16.5 C
Pontevedra
Xoves, 24 de Xuño de 2021
Máis
    HomeVal MiñorBaionaO alcalde de Baiona amosa o seu rexeitamento á instalación do parque...

    O alcalde de Baiona amosa o seu rexeitamento á instalación do parque eólico previsto na Serra da Groba

    O Alcalde de Baiona, Carlos Gómez Prado, vén de expresar, unha vez máis, a súa postura contraria respecto a instalación dun parque eólico na Serra da Groba. O rexedor baionés quere deixar clara a súa oposición “a unha instalación que afectará ao monte de Baíña” xa que, lembra “un dos proxectos de execución está ideado no lugar coñecido como O alto da mata desta parroquia baionesa.

    Para o alcalde de Baiona resulta “inaceptable” que a Xunta decidira de xeito unilateral a instalación e localización dese parque eólico “sen que se tivera en conta aos comuneiros, comuneiras, veciños e veciñas nunha decisión de vital importancia como é a desta instalación”.

    “Estamos a favor das enerxías renovables –explica o rexedor local– pero non a calquera prezo” e afirma que o proxecto está enfocado “ao máximo aproveitamento e rendemento enerxético, ignorando calquera outra cautela de interese paisaxístico, patrimonial ou de biodeversidade”. “Non se busca o mínimo impacto ambiental, senón o máximo beneficio e isto é unha falta de respecto aos nosos veciños e veciñas”, afirma con rotundidade Carlos Gómez.

    Estas vistas da baía de Baiona, Cíes, Estelas, rías de Vigo e Pontevedra e, con boa visibilidade, illa de Ons e ría de Arousa, poderían pasar a ser historia de construirse o proxectado parque eólico

    Así mesmo, Gómez fai mención a que “a zona alberga numerosos valores” que teñen que ser protexidos e insiste en que se está a falar dunha a conservar porque “queremos seguir tendo un referente paisaxístico, un rico patrimonio natural, xeolóxico e hábitats que acollen flora e fauna de escasa presenza en Galicia, pero tamén preferimos que continúe o aproveitamento multifuncional das comunidades de montes. Todo isto non se pode comprar con diñeiro”.

    O alcalde de Baiona pon tamén o foco de atención sobre o convenio asinado entre o anterior Goberno municipal (PP) e a Xunta de Galicia “no que se investiu diñeiro público para a construción dun miradoiro de madeira con bancos na zona do Cortelliño para facer máis confortable o balcón natural do Val Miñor”.

    “Pois ben –engade Carlos Gómez–, de levarse a cabo a instalación do eólico na zona prevista, o investimento deste diñeiro público quedaría sen a súa razón de ser: a de ofrecer as mellores vistas do Val Miñor” xa que puntualiza o alcalde “o proxecto contempla a implantación do eólico xusto diante do visitado miradoiro” polo que veciñanza e visitantes “quedarían privados unhas vistas privilexiadas dende as que se dividan, dunha sola ollada, a baía de Baiona, as Illas Estelas, as illas Cíes, as rías de Vigo e Pontevedra e, en días claros, a illa de Ons e a ría de Arousa”.

    Finalmente Carlos Gómez sinalou que “a eólica poñería en perigo a estratexia de conservación do monte baionés supoñendo ademais un gran impacto paisaxístico no Espazo Natural da Serra dá Groba, un espazo que se debe protexer, coidar e que é un referente en Galicia”.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS