16.1 C
Pontevedra
Sábado, 18 de Maio de 2024
Máis
    HomeA ParadantaArboO Concello de Arbo inicia o reparto de trampas contra a vespa...

    O Concello de Arbo inicia o reparto de trampas contra a vespa velutina

    50 trampas están sendo repartidas de maneira gratuíta entre a veciñanza que o solicitou e deberán colocarse nos puntos de maior incidencia do insecto

    O Concello de Arbo, para frear a expansión da vespa asiática, emprendeu unha campaña de loita e erradicación deste insecto pondo a disposición dos veciños e veciñas un total de cincoenta trampas e 100 botes de cebo. O Concello que preside Horacio Gil considera frear a expansión da vespa asiática “unha tarefa prioritaria”, xa que este insecto invasor incrementou a súa presenza en Galicia desde o ano 2014 .

    As primeiras 50 trampas están sendo entregadas polo concelleiro de Medio Ambiente e Medio Rural, Bernardo Vazquez Pérez e o alcalde Horacio Gil.

    A especie invasora chegou a Europa nun cargamento de China desembarcado en Bordeus. No ano 2010 entrou en Euskadi e dous anos máis tarde apareceu en Viana do Castelo (Portugal). A súa seguinte parada xa foi Galicia e desde entón non parou de expandirse. Os datos máis alarmantes chegaron no 2017, ano no que xa se desactivaron 23.791 niños de avespa asiática. O informe do 2018 lanzou un resultado superior, con máis de 26.000 colonias eliminadas e no recentemente terminado 2019 os datos oficiais baixan ata os 22.023 niños erradicados.

    Esta é a época para a colocación destas trampas, para evitar a formación de niños e dende o Goberno “estamos a disposición dos veciños e veciñas de Arbo para coa súa colaboración, evitar a proliferación desta especie, ubicando as trampas dentro das súas propiedades”, explica o alcalde Horacio Gil que sinala a “coordinación e colaboración entre o Concello e os voluntarios e voluntarias que queren participar neste proxecto tan importante”. O obxectivo “é redobrar esforzos e concentrar os recursos” insiste Gil.

    A entrega de trampas velutinas polos concellos e a súa colocación e control coa colaboración de veciños e veciñas voluntarios e voluntarias , é unha practica moi usada que se esta adoptando nos últimos meses por moitos municipios de Galicia e que esta acadando un bo resultado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.