Ponteareas

O Concello de Ponteareas continúa coa súa aposta pola mellora da rede municipal de estradas e vieiros con dúas novas obras de pavimentación nos lugares de Carrascás e Outeiro do Foxo-A Cima, xa en licitación por un orzamento total de 61.000 euros financiados ao abeiro do Plan Concellos 2020 da Deputación de Pontevedra. Con estes traballos a Concellaría de Vías e Obras busca “ofrecer á veciñanza o mellor servizo posible mantendo en perfecto estado as estradas municipais e pistas asfaltadas e pavimentando completamente as pistas que non se atopen en boas condicións.

A Biblioteca Municipal de Ponteareas acolle esta semana unha nova actividade ao abeiro do programa de animación á lectura. Este xoves 9 de setembro ás 18:30 horas organizará Ao arredor do conto, unha actividade a través da que os nenos e nenas poderán coñecer a Biblioteca Máxica Infantil.

A Banda de Música Xuvenil de Xinzo pon a punto os seus instrumentos para presentar todo o seu amplo repertorio musical no parque da Feira Vella o vindeiro mércores ás 21.00 horas. A entrada para asistir ao concerto desta agrupación histórica de Ponteareas será de balde ata completar aforo. O concelleiro de Cultura anima á veciñanza a asistir a este espectáculo que “mostra o gran talento musical dos mozos e mozas da nosa vila”.

Ponteareas acolle dende hoxe unha xornada de xogos e obradoiros no Centro Cultural de Celeiros. É a primeira das 12 que percorrerán o municipio durante este mes de setembro, e que continúan o programa lúdico nos centros culturais que xa se realizou en agosto. O concelleiro de Cultura, Fernando Groba, sinalou que con estas actividades “queremos que todos os nenos e nenas de Ponteareas poidan desfrutar xogando sen saír das súas parroquias”.

O Concello de Ponteareas presenta o programa das Festas de Setembro para encher de cultura e de lecer a vila durante todo o mes. Máis de 30 propostas culturais e deportivas completarán unha oferta para todos os públicos, en todos os espazos da vila, e adicada a festexar con seguridade e diversión os seus días festivos.

Silleda converterase nestes días no mellor escaparate para o Corpus de Ponteareas. O Concello participará ata mañá domingo na Semana Verde de Galicia formando parte do stand do Xeodestino Condado-Paradanta

A aula CeMIT comeza o mes de setembro de maneira intensa con seis formacións gratuítas a disposición da veciñanza. Os cursos son de balde e as persoas interesadas poden solicitar información no teléfono 634 238 962 ou no correo [email protected]. O concelleiro Innovación, Benito Márquez, anima á veciñanza a asistir a uns cursos que “poden ser moi útiles a nivel laboral e educativo”.

O tenis é o deporte protagonista do inicio do mes de setembro en Ponteareas. O Club Tenis Ponteareas, en colaboración co Goberno local, organiza entre o vindeiro venres día 3 e o domingo 12 de setembro o 'Torneo de Tenis Concello de Ponteareas', un evento destacado na tradición deportiva da vila que acada xa a súa duodécima edición.

O concelleiro nacionalista do Concello de Ponteareas, Roberto Mera, denunciou onte a través dunha mensaxe na súa conta de Whatsapp, o que cualifica de "manipulación de cifras e conceptos" que o Partido Popular fai sobre os salarios dalgúns membros do Goberno a través duns folletos distribuídos entre a cidadanía. "A única intención é a de facer crer a opinión pública que eu e outros compañeiros e compañeiras do Goberno cobramos do concello 40.000 euros anuais", afirma o concelleiro na súa conta de mensaxería instantánea.

Ponteareas planificou un verán cheo de actividades e aventuras para os nenos, e así foi. Máis de 400 menores desfrutaron dos campus do Concello durante xullo e agosto.

O vindeiro venres 3 de setembro o comercio local de Ponteareas colgará o cartel de rebaixas. Banastra de Ponteareas e a Asociación de Comerciantes Tea organizan a segunda edición de “Mercaserán”.

A Biblioteca Municipal de Ponteareas continúa ofrecendo actividades para os máis pequenos e pequenas da vila. O vindeiro xoves entre as 11:30 e as 13:30 acollerá unha xornada de xogos e contacontos para incentivar a lectura dende a diversión. A participación está dirixida a nenas e nenos entre 3 e 12 anos, é de balde, e a inscrición pódese facer na biblioteca, no teléfono 986 660 765, ou en [email protected].