O Condado

Mañá mércores teremos a ocasión de gozar coa música de Ysaÿe interpretada por Josef Spacek e das partituras de Cassadó intepretadas por Anastasia Kobekina. Dan man de Federico Colli escoitaremos a música de Shostakovich e por último chegará ao auditorio municipal as creacións de Rachmaninov.

Unha das prioridades políticas do Concello de Mondariz é mellorar a depuración de augas residuais. Este servizo municipal tan básico, sen embargo, leva anos bloqueado pola denegación de acceso á Estación Depuradora de Augas Residuais (EDAR), construída en 2005 e situada no veciño Concello de Mondariz-Balneario. "O Goberno de Mondariz ten o firme compromiso de dar solución a este problema que leva arrastrando o municipio dende fai anos e afecta a un ben natural incluído na rede natura como é o río Tea", afirma o alcalde, Xosé Emilio Barros.

O goberno de Ponteareas do BNG-PSOE vén de dar conta do inicio das obras de humanización da rúa Redondela que foron adxudicadas por 424.654,18 euros despois dun concurso público ao que se presentaron máis dunha ducia de empresas. As obras suporán unha transformación profunda e positiva desta rúa que, na actualidade, rexistra un elevado tráfico en dobre sentido de circulación con beirarrúas estreitas e que apenas conta con arborado e mobiliario urbano para as persoas.

As acaldesas de Salceda de Caselas, Loli Castiñeira e Salvaterra de Miño, Marta Valcárcel, veñen de remitir unha solicitude conxunta á Consellería de Sanidade da Xunta de Galicia, na que se pide a creación "dunha nova praza de pediatría compartida" entre os dous concellos "e a dotación do mencionado persoal de xeito urxente".

A Concellaría de Mobilidade e a de Vías e Obras que dirixen Roberto Mera e Chus Garrote respectivamente, habilitaron a pasada semana 6 prazas de estacionamento para persoas con mobilidade reducida no entorno do Mercado e Biblioteca Municipal. Concretamente as prazas creáronse na rúa da Perillana (2), no aparcadoiro do Mercado Municipal (1), nas rúas A Estrada (1), Morales Hidalgo (1) e Fernández Vega (1).

As Comunidades de Montes de Ponteareas e Arcos remitiron un escrito á Consellaría do Medio Rural pedindo explicacións pola falta de medios e descoordinación no incendio que se iniciou a pasada semana en Bugarín e que ameazou o monte veciñal das dúas parroquias na Picaraña. Segundo explican os comuneiros, no frente que avanzaba cara o monte da Picaraña se personaron sobre as 20 horas medio cento de persoas voluntarias de ambas as dúas comunidades, con batelumes e mochilas sulfatadoras de auga.

O próximo sábado 29 de agosto, a Banda de Música Xuvenil de Xinzo celebrará unha Asemblea Xeral Extraordinaria no auditorio do Centro Cultural da parroquia ás 20:30 h, con segunda convocatoria ás 21:00 h.

O Goberno Local explicou hoxe, na Xunta de Voceiros celebrada a petición de ACIP, a situación da Policía Local da localidade. O concelleiro de Bo Goberno e de Mobilidade e Tráfico, Roberto Mera, ofreceu os datos oficiais sobre o cadro de persoal. A Policía Local conta a día de hoxe con 17 efectivos repartidos do seguinte xeito: un oficial, 11 axentes e 5 auxiliares. Deles, tres axentes están de baixa prolongada.

O Concello de Mondariz vén de anunciar cambios nos horarios dalgúns dos actos incluídos nas Festas da Pena de Francia e San Roque, ante as novas medidas de restrición horaria do ocio nocturno anunciadas polo Ministerio de Sanidade. Por "responsabilidade" o Concello decidiu adiantar as actuacións musicais previstas para o sábado, 15 de agosto, para adaptar a programación á antedita restrición horaria.

O Concello das Neves, tal e como anunciara hai varios meses o Goberno local, cederá o ámbito da antiga Escola Infantil ao Servizo Galego de Saúde (Sergas) para a ampliación do Centro de Saúde da Vila que gañará, así, máis de 50 metros cadrados. A que ata este curso foi a Escola Infantil da vila, está no baixos do mesmo inmoble que ocupa o Centro de Saúde.

A crise sanitaria pola COVID-19 obrigou a suspender a celebración tradicional das festas patronais na maioría das localidades. O Concello de Mondariz tamén optou pola prudencia para minimizar os riscos epidemiolóxicos. Unha vez descartado o programa habitual de verbenas nocturnas, a Concellería de Educación e Cultura púxose a traballar nunha programación cultural alternativa para o fin de semana do 15 e do 16 de agosto de 2020, datas das Festas Patronais da Virxe da Peña de Francia e San Roque, que permitise un control do aforo e das medidas de prevención recomendadas.

O Servizo Galego de Saúde (SERGAS) vėn de confirmar ao alcalde das Neves, Xosé Manuel Rodríguez Mendez, o positivo por COVID-19 dunha usuaria do Centro de Día da vila. Logo de ter coñecemento do mesmo deuse aviso, de inmediato, ao resto das usuarias do centro, 8 (3 das Neves, 4 de Salvaterra e 1 de Arbo) e ao persoal do mesmo, 14 traballadoras, que xa están illadas nas súas casas.