18.3 C
Pontevedra
Martes, 16 de Agosto de 2022
Máis
    HomeO CondadoPonteareasPonteareas habilita seis novas prazas para persoas con mobilidade reducida na zona...

    Ponteareas habilita seis novas prazas para persoas con mobilidade reducida na zona do mercado de abastos e Biblioteca Municipal

    Creáronse tamén seis prazas de estacionamento de motocicletas e instalaranse aparcadoiros para bicicletas

    A Concellaría de Mobilidade e a de Vías e Obras que dirixen Roberto Mera e Chus Garrote respectivamente, habilitaron a pasada semana 6 prazas de estacionamento para persoas con mobilidade reducida no entorno do Mercado e Biblioteca Municipal. Concretamente as prazas creáronse na rúa da Perillana (2), no aparcadoiro do Mercado Municipal (1), nas rúas A Estrada (1), Morales Hidalgo (1) e Fernández Vega (1).

    Todas elas reunen os requisitos legais de dimensións e contan co seu correspondente espazo cebreado lateral tal e como establece a normativa. Das seis prazas, dúas son de nova creación e as outras catro responden a un cambio de localización, pois as anteriores non cumprían coas dimensións e esixencias legais. As prazas creadas aseguran o cumprimento da ratio legal dunha praza por cada 40 convencionais na zona e están vencelladas a equipamentos públicos como o Mercado Municipal, Auditorio, Biblioteca e Museo ou Praza da Perillana que proximamente será peonil e ciclábel. A ubicación das novas prazas e a súa configuración e deseño foron avaliadas previamente coa asociación local ADAPTA de persoas con discapacidade.

    Estacionamento da rúa Estrada

    As actuacións realizáronse no marco dos traballos de reordenación dos espazos peonís e do tráfico na zona oeste da vila executados a pasada semana e nas que tamén se crearon seis prazas de estacionamento para motocicletas nas rúas Braña, A Estrada e Fernández Vega. Por outra banda, a vindeira semana prevese a instalación de aparcadoiros de bicicletas na nova praza situada diante do Auditorio. Tamén en materia de accesibilidade creáronse pasos de peóns até agora inexistentes diante da Biblioteca-Museo e do Conservatorio Municipal para o acceso seguro e universal das persoas usuarias.

    Estacionamentos nas inmediacións do mercado de abastos

    O concelleiro de Mobilidade Roberto Mera sinalou que “en todas as actuacións que imos ir acometendo nos vindeiros meses e anos para mellorar a vila revisaremos sistematicamente as prazas para persoas con mobilidade reducida e as ampliaremos e melloraremos para que cumpran coa normativa. Ademais crearemos sempre prazas de estacionamento de motos e instalaremos aparcabicis, para fomentar estes modos de desprazamento alternativo ao coche”.

    Pola súa banda, a concelleira de Vías e Obras, Chus Garrote, explicou que “a accesibilidade para todas as persoas e especialmente as de mobilidade reducida é unha prioridade deste goberno” e adiantou que nas vindeiras semanas as actuacións completaranse cos correspondentes rebaixes nas beirarrúas.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS