Positivo por COVID-19 dunha usuaria do Centro de Día das Neves

O Servizo Galego de Saúde (SERGAS) vėn de confirmar ao alcalde das Neves, Xosé Manuel Rodríguez Mendez, o positivo por COVID-19 dunha usuaria do Centro de Día da vila. Logo de ter coñecemento do mesmo deuse aviso, de inmediato, ao resto das usuarias do centro, 8 (3 das Neves, 4 de Salvaterra e 1 de Arbo) e ao persoal do mesmo, 14 traballadoras, que xa están illadas nas súas casas.

Todas elas someteránse ás probas PCR mañá venres, día 14 e as repetirán o día 21. O Centro de Día permanece pechado por un periodo inicial de 15 días.

Desinfección

O Goberno Municipal levará a cabo este mesmo xoves pola tarde unha desinfección dos principais centros de concurrencia de cidadáns.

Brigadas do Concello traballarán no Centro de Día (incluindo o propio edificio, accesos e arredores); contorna de comercios; farmacias; gasoliñeiras; antigo XES; a Casa do Concello e o Mercado Municipal, antes de feira deste venres. Do mesmo xeito, dende o sábado, día 15, tamén se realizarán labores de desenfección en todas as parroquias.