Gondomar e as súas parroquias teñen moitos recunchos que descubrir e desde o concello ponse en marcha esta fin de semana o programa “Descobre Gondomar, paso a paso”, promovido polo goberno a través da súa Concellería de Turismo. Inicia a súa andaina na parroquia de Vincios coa colaboración da súa asociación de veciñoe e a súa Comunidade de Montes.
Trátase de aproveitar a chegada do outono para ofrecer á veciñanza actividades que promovan hábitos saudables ao tempo que permitan gozar do contorna, coñecer a súa riqueza etnográfica, cultural e histórica, e tamén respectar tradicións tan propias da época como son a celebración dos magostos.
A andaina prevista terá unha duración aproximada de dúas horas. Partirá ás 16.00 horas dende o Centro Cultural para visitar o Monte Galiñeiro, e unha vez rematada e de volta o punto de saída os participantes poderán gozar dun magosto, con castañas de balde, e dunha tarde amenizada coa actuación de diferentes grupos folclóricos da parroquia e locais.