A delegada da Xunta de Galicia en Vigo, Marta Fernández-Tapias, anunciou que a Consellería de Medio Rural está a investir 395.00 euros ao abeiro do Plan de mellora de camiños municipais de acceso a parcelas agrícolas correspondente co período 2020-2021.
A representante autonómica aproveitou unha visita a Salvaterra, na que puido comprobar xunto á alcaldesa da localidade, Marta Valcárcel, o estado dun destes viarios, para pór en valor a inversión realizada pola Axencia Galega de Desenvolvemento Rural no acondicionamento das canles de entrada e saída das producións rurais.
Así, no marco da actual convocatoria se levarán a cabo un total de 12 intervencións co obxectivo de facilitar ás corporacións locais a ampliación, mellora ou mantemento dos camiños municipais que dan acceso ás parcelas agrícolas.
No caso concreto de Salvaterra, Fernández-Tapias sinalou que se investirán 37.843 euros para na mellora do firme nos camiños de Corzáns e Pesqueiras.
| Concello | Proxecto | Importe |
| Baiona | Mellora na pavimentación do Camiño Fonteloureira en Belesar | 30.372,22 € |
| Cangas | Pavimentación vial do Camiño do Outeiro en Herbello-Aldán | 27.740,49 € |
| Fornelos de Montes | Renovación do pavimento no Camiño do Areal e Camiño Rial | 29.329 € |
| Moaña | Acondicionamento do Camiño Lago de Abelendo A Grela | 26.984,98 € |
| Mos | Mellora da seguridade viaria no Camiño de Quiringosta Zapateira | 35.347 € |
| Nigrán | Mellora da rúa Balinfra, Camiño de Aldeite e rúa da Igrexa | 35.745,89 € |
| Pazos de Borbén | Asfaltado camiño no lugar de Valado | 28.266,51 € |
| O Porriño | Mellora de viarios na Parroquia de Chelo | 42.449 € |
| Redondela | Acondicionamento e mellora da estrada de San Vicente de Trasmañó | 38.882 € |
| Salceda de Caselas | Pavimentación do Camiño de Touriños a Ribeira | 32.554 € |
| Salvaterra de Miño | Mellora de camiños en Corzáns e Pesqueiras | 37.843 € |
| Soutomaior | Mellora da pavimentación no Camiño de Candán | 29.032 € |
| Total 394.546,09 € |