O delegado do Goberno en Galicia, Pedro Blanco, reiterou onte que “para este Goberno non hai límite de medios na resposta diante dun incendio forestal en Galicia”. E lembrou o apoio estatal ao dispositivo de prevención e extinción de incendios forestais de Galicia, coa dispoñibilidade de preto de 4.000 efectivos e 10 medios aéreos, ademais doutros equipos especializados de vixilancia e investigación e distintos sistemas aéreos non tripulados.
Pedro Blanco remarcou este compromiso na presentación da “Operación Centinela Gallego”, coa que o Ministerio de Defensa colabora coa Xunta na vixilancia dos montes de 30 concellos con maior risco de sufrir lumes este verán. Este acto celebrouse na Base Helitransportada do Campiño (Pontevedra) coa asistencia do conselleiro do Medio Rural, José González; o xefe da Brilat, xeneral de brigada Alfonso Xeneral de Brigada Alfonso Pardo de Santayana; o coronel Xefe do Terzo Norte de Infantería de Mariña, Francisco Guerrero; e a subdelegada do Goberno en Pontevedra, Maica Larriba.
O delegado lembrou que o Goberno apoia o dispositivo da Xunta de Galicia a través do convenio que asinan ambos actores ao principio da campaña de máximo risco. Esta colaboración implica a tres ministerios, os tres exércitos, a UME, a Garda Civil e a Policía Nacional, nun operativo que pode ampliarse en función das necesidades de cada momento.
Así ocorreu en 2022, lembrou o delegado, no que Galicia foi a Comunidade Autónoma española que máis veces requiriu a participación dos medios estatais de extinción de incendios. Pedro Blanco apuntou que os medios estatais participaron na extinción de 118 lumes, dos que oito alcanzaron a cualificación de “Grandes Incendios Forestais” e esixiron a participación da Unidade Militar de Emerxencias.
pasado multiplicaron por cinco as intervencións do ano anterior e superaron as dúas mil horas de voo en incendio e as 8.100 descargas de auga. “Galicia rexistrou o 25% de todas as horas voadas polos avións do Ministerio en España”, apuntou Pedro Blanco.
A pesares deste incremento da actividade, “da gravidade dos lumes, e de que evacuamos a máis de 1.800 persoas”, Pedro Blanco destacou que non houbo perdas de vidas humanas.
“Operación Centinela Gallego”
O delegado do Goberno exemplificou na “Operación Centinela Gallego” a colaboración coa Xunta na prevención dos lumes forestais, a través dun acordo que cumpre 17 anos ininterrompidos de cooperación.
Pedro Blanco apuntou que, no ano 2022, este dispositivo integrado por 30 patrullas de militares percorreu 320.000 quilómetros polos montes de Galicia e realizou ao redor de 5.600 vixilancias, tanto de presenza en municipios como en diferentes observatorios. A estes números sumáronse 11.000 minutos de vixilancia e observación co emprego de sistemas aéreos tripulados de forma remota.
