6.4 C
Pontevedra
Martes, 5 de Decembro de 2023
Máis
    HomeÉ NoticiaEsta semana comezan os obradoiros de "Depo en marcha" para xubilados

    Esta semana comezan os obradoiros de “Depo en marcha” para xubilados

    Un total de 115 xubilados de 6 entidades doutros tantos concellos da provincia comezan esta semana novas accións formativas do programa provincial “Depo en marcha”. A través desta iniciativa, a Deputación de Pontevedra promove a participación e a creación de espazos de encontro e intercambio de experiencias para fomentar o envellecemento activo e a independencia das persoas maiores.

    Desta maneira, o martes 26 de setembro comezan dous cursos novos. 16 persoas da Asociación Cultural Irmáns Barcia de Ponteareas comezará un taller de pilates e outras 20 da Asociación de Mulleres Rurais Anduriña de Arcade (Soutomaior) un curso de restauración de mobles e tapicería. O xoves, día 28, será a quenda de 15 membros da Asociación de Veciños Raigame de Caldas de Reis, que participarán nun taller de habilidades dixitais para o uso cotiá.

    Por último, o venres 29 darán o tiro de saída tres novos cursos: 25 persoas da Asociación da sétima lista Robaleira de Bueu comezarán o curso de ioga, 17 do Centro Cultural Deportivo e Social O Coto de Salceda de Caselas e 22 da Asociación de Veciños Santa Cristina un sobre plantas mediciñais.

    Estas son algunhas das 130 accións que se ofertaron na actual edición de “Depo en Marcha”, que beneficia a arredor de 3.000 persoas ao longo de todo o ano. A Deputación destina preto de 146.000 euros ao programa e os obradoiros enmárcanse nos seguintes apartados temáticos: ‘Aprendendo da natureza’, ‘Móvete, activando corpo e mente’, ‘Enredando’, ‘Dálle marcha’ e ‘En rede’.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.