17.2 C
Pontevedra
Sábado, 16 de Outubro de 2021
Máis
    HomeÉ NoticiaCarmela Silva e Ione Belarra sentan as bases dunha estratexia de colaboración...

    Carmela Silva e Ione Belarra sentan as bases dunha estratexia de colaboración conxunta para avanzar no cumprimento da Axenda 2030

    A presidenta da Deputación explicou á secretaria de Estado as iniciativas lideradas pola institución provincial que sitúan á Axenda 2030 como a súa “política tractora”

    A presidenta da Deputación de Pontevedra Carmela Silva e a secretaria de Estado da Axenda 2030 Ione Belarra sentaron as bases dunha estratexia de colaboración conxunta e alianza entre institucións para dar cumprimento aos ODS e aos retos da Axenda 2030. No transcurso do encontro telemático celebrado esta mañá, Silva deu a coñecer as iniciativas lideradas pola Deputación de Pontevedra que sitúan á Axenda 2030 como a súa “política tractora e unha folla de ruta na que levamos traballando desde fai catro anos”. Pola súa banda, Ione Belarra, que manifestou a súa sorpresa polo “avanzado programa da Deputación”, cualificou á institución provincial como “punta de lanza” e como “un grande exemplo ao poñer en marcha moitas boas prácticas que sitúan á Axenda 2030 como eixo vertebrador de toda a política”. “Tendes matrícula de honra”, subliñou a secretaria de estado, “non hai nada máis útil que un bo exemplo como o voso”.

    “Nós –asegurou Carmela Silva- entendemos os ODS como oportunidade para a provincia, para mobilizar o territorio e conectalo coa súa cidadanía mediante a identificación de oportunidades e novos escenarios, construíndo modelos máis sustentables, fortalecendo o noso compromiso cos concellos e axentes sociais, contribuíndo á creación dunha contorna social e económica sustentable e implicando a todo o persoal da Deputación neste proxecto”. Ao respecto, a presidenta provincial destacou que “comezamos xa no 2016 a grande transformación na Deputación de Pontevedra” ata “posicionarnos como unha grande referencia, tanto nas políticas de igualdade, que convertemos no eixo transversal da nosa acción, como nas relacionadas coa transición ecolóxica, o tratamento de residuos, as infraestruturas verdes ou a mobilidade sustentable”.

    A presidenta explicou á secretaria de Estado que para coñecer o grao de aliñación coa Axenda 2030, no ano 2019 a institución provincial realizou un estudo que desvelou que se tiñan cumprido xa o 91% dos seus grandes retos, aplicando os 17 ODS e chegando a abordar 31 metas, 36 competencias e desenvolvendo 158 programas. “Partindo destes resultados comezamos a implantar unha acción total e absolutamente ligada aos ODS de tal xeito que o noso orzamento está ligado aos 17 obxectivos” asegurou a presidenta provincial, quen tamén lle adiantou á secretaria os tres “grandes retos que temos por diante: involucrar aos concellos e axentes sociais no cumprimento dos ODS, liderado local para o cumprimento da Axenda 2030 e redución das desigualdades”.

    Máis polo miúdo, a presidenta centrouse na estratexia cos concellos, denominada no orzamento do 2021 como “Alianza Local Pontevedra provincia”. Trátase, segundo explicou Carmela Silva, dunha estratexia centrada na posta en marcha dun plan conxunto de captación de fondos europeos para facer fronte ás consecuencias da pandemia pero tamén para dar cumprimento aos ODS. Tamén está dirixido á acción social, á xestión sostible do territorio, á igualdade como política transformadora da sociedade e á creación dun banco de boas prácticas da Axenda 2030 no ámbito local.

    A secretaria de Estado da Axenda 2030 Ione Belarra amosou a “súa total dispoñibilidade para traballar conxuntamente” ao coñecer os proxectos que lidera a Deputación de Pontevedra. Belarra asegurou que “é difícil tomalo máis en serio que vós, sodes persoas comprometidas. Non vos hai que empurrar, sodes punta de lanza e tendes convencemento pleno ao aliñar o voso orzamento e os vosos proxectos coa Axenda 2030”. A secretaria aproveitou a ocasión para amosar a súa “sensibilidade total” co traballo territorial que se está a facer en todo o Estado para dar cumprimento á Axenda 2030 e puxo en valor o esforzo do mundo local e das deputacións. Deste xeito, deu a coñecer que proximamente se presentará unha “Guía de localización municipal da Axenda 2030”, e que os novos Orzamentos Xerais do Estado incluirán unha liña de financiamento de concellos para dar cumprimento aos ODS e que o Goberno está inmerso na elaboración dunha estratexia de desenvolvemento sustentable “para camiñar cara o 2030 cun diagnóstico claro”.

    Ambas mandatarias remataron o encontro poñendo en valor a importancia de cambiar o mundo: “ou cambiamos o mundo nós ou non vai cambiar”, aseguraron Silva e Belarra ao que tempo que enxalzaron a “capacidade transformadora” da Axenda 2030. Tamén acordaron colaborar conxuntamente en xornadas formativas e actividades de divulgación para seguir dando pasos cara a consecución dos retos do novo modelo.

    COLABORACIÓNS

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    ¡Ponga un volcán en su vida!

    Las generaciones actuales, sin lugar a dudas, van tener bastante que contarles a sus nietos. Hemos vivido una fuerte crisis económica (la de las famosas subprime), hemos padecido, y seguimos sufriendo, la primera gran epidemia global del siglo y ahora, además, tenemos el "maravilloso" espectáculo del volcán de La Palma, algo que no se podía ver en nuestro país desde hace muchos años, así que para llevar poco más de 21 años de siglo, pues no está nada mal, pero como sigamos a este ritmo...

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS