11.6 C
Pontevedra
Martes, 19 de Marzo de 2024
Máis
    HomeÉ NoticiaA Xunta aposta por unha actuación "homoxénea e coordinada" para facer fronte...

    A Xunta aposta por unha actuación “homoxénea e coordinada” para facer fronte á COVID

    O conselleiro de Sanidade, Julio García Comesaña, valora positivamente o documento abordado na reunión do Consello Interterritorial que se celebrou na tarde de onte

    O conselleiro de Sanidade, Julio García Comesaña, participou na tarde de onte na reunión do Consello Interterritorial do Sistema Nacional de Saúde, na que todas as comunidades autónomas valoraron positivamente o documento de actuacións de resposta coordinada para o control da transmisión da COVID19, que foi aprobado sen oposición.

    Na reunión, o conselleiro valorou que o documento recolla, no seu texto final, que se trata dun marco común para o desenvolvemento das comunidades, e que os indicadores e restricións sexan flexibles, como xa adiantara con anterioridade á reunión.

    O departamento sanitario galego insiste en engadir máis indicadores ao documento, pois segue sen considerarse a urxencia hospitalaria dentro dos indicadores asistenciais.

    A Consellería de Sanidade considera que o problema pode estar nas comunidaddes con poboacións de menos de 20.000 habitantes, en donde os indicadores de incidencia acumulada poden inducir a error. A tal efecto, o departamento sanitario galego axustará ditos indicadores e os niveis de alerta en función da poboación, como ten feito ata agora.

    O documento hoxe aprobado permite introducir novos indicadores e a Consellería de Sanidade introducirá o de urxencias e os cualitativos, cos que xa traballa agora.

    Por último, no documento se flexibilizan os niveis de alerta para decisións individualizadas en cada comunidade autónoma.

    Respecto ás restriccións nocturnas, o titular da carteira sanitaria manifestou que Galicia está a favor de ter capacidade de utilizar restriccións, tal e como xa lle indicou ao Ministerio que solicitara o comité clínico galego. Porén, opúxose a ligar estas restricións ao estado de alarma, senón ás peticións da autoridade sanitaria e de saúde pública ao Tribunal Superior de Xustiza. É dicir, que se manexe no ámbito da comunidade autónoma coa xustiza da propia comunidade, e sempre baseándose en criterios epidemiolóxicos.

    Esta medida pódese incorporar na lexislación ordinaria modificando a Lei 3/86 e, nese sentido, xa hai unha iniciativa presentada no mes de agosto no Parlamento nacional cos trámites xa feitos e informe favorable para tramitación, e que podería estar lista en 15 días.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.