17.6 C
Pontevedra
Luns, 21 de Xuño de 2021
Máis
    HomeVal MiñorNigránVisita guiada ás obras da nova Biblioteca Municipal de Nigrán para estudantes...

    Visita guiada ás obras da nova Biblioteca Municipal de Nigrán para estudantes de deseño de interiores

    A dirección técnica, acompañada do alcalde, fixo onte un percorrido pola instalación para alumnos da escola viguesa de deseño Aula D

    O alcalde de Nigrán, Juan González, acompañado da dirección técnica das obras da nova Biblioteca, realizou unha visita guiada a estas instalacións para unha ducia de estudantes de deseño de interiores da recoñecida escola de deseño viguesa Aula D. “Ao longo do curso facemos visitas a diferentes obras cun fin didáctico de cara ao proxecto final deste ciclo formativo de grao superior, esta é a gran obra pública que ímos visitar e realmente estabamos ansiosos por coñecer de preto o resultado, que a todas luces é marabilloso”, incidíu o titor, Manuel Barreiro Chao.

    Tal e como comprobaron, os traballos avanzan a gran ritmo con todos os oficios presentes simultáneamente co fin de tela rematada no mes de maio, sendo o obxectivo do goberno local aproveitar o verán para dotala de todo o equipamento preciso (con este fin xa se consignaron 224.000 € do Remanente de Tesourería ).  

    O edificio pasará de contar con  120 metros cadrados no Ceán a 1.260 m², xerando espazos novos como a sala infantil independente, zona de estudo ou outra de usos múltiples. 

    Edificio bioclimático

    A nova Biblioteca ocupa unha parcela municipal de 443 metros cadrados e de forma trapezoidal no centro do municipio (a beira da Estrada pola Vía, á altura do número 118, frente a rúa do Panasco) nun lugar fácilmente accesible para a veciñanza tanto en transporte público como privado. O feito de que se trate dunha parcela con forte desnivel permite que se poidan crear duplicidade de entradas, con accesos tanto dende a planta baixa como dende a primeira, o que favorece unha utilización polivalente das instalacións. Dende o punto de vista urbanístico, a construcción xenera unha praza cuberta que se abre á praza existente e que supón unha zona previa a entrada por planta baixa.

    O proxecto contempla un edificio de catro alturas de planta irregular e cunha superficie total construída de 1.260 m2  (a actual biblioteca do Cean ten 120 m2) e clasificado coa letra A no seu Certificado de Eficiencia Enerxética (máxima categoría). Trátase, por tanto, dun edificio bioclimático que dispón das últimas tecnoloxías en instalacións para acadar esta sostibilidade ambiental. 

    Cun deseño minimalista na que a fachada se plantexa de granito silvestre e cunha planta que se adapta á forma trapezoidal da parcela, consta de catro andares sen sótano. Na planta baixa (191 m2) disponse dunha sala de usos múltiples vinculada á praza cuberta adxacente, almacén e aseos; na pranta primeira (269 m2) hemeroteca, sala de ordenadores, recepción e zona de préstamo infantil e xuvenil; na segunda (272 m2) zona de préstamo para adultos e na terceira (235m2), zona de estudio que se comunica a dobre altura coa zona de préstamos do nivel inferior.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS