14.6 C
Pontevedra
Domingo, 25 de Febreiro de 2024
Máis
    HomeVal MiñorNigránPersoal municipal e Goberno de Nigrán homenaxean a cinco funcionarios que se...

    Persoal municipal e Goberno de Nigrán homenaxean a cinco funcionarios que se xubilan sumando, entre todos, 177 anos de traballo

    Os traballadores celebraron unha comida na Carrasca (Parada) para despedir a María Luisa Barros, Álvaro Reinaldo, Marcelino Giráldez, Florentino Martínez e Ricardo Casás

    O persoal e goberno do Concello de Nigrán renderon este mediodía unha homenaxe a cinco funcionarios municipais recentemente xubilados e que marcan a historia do consistorio cunha media de 35 anos adicados á administración local. Así, o persoal municipal e o goberno asistiron a unha comida na Carrasca inviatos polos cinco xubilados, aos que o alcalde entregou unha placa de recoñecemento.

    Os novos retirados son María Luísa Barros, administrativa de Recadación durante 33 anos; Álvaro Reinado, técnico de xestión durante 40 anos; Marcelino Giráldez, peón de Vías e Obras e conserxe posteriormente durante 41 anos; Florentino Martínez, peón de Vías e Obras e conserxe do Pavillón Municipal durante 17 anos; e Ricardo Casás, peón de Vías e Obras durante 46 anos. Xuntos suman 177 anos traballando para o Concello.

    “Forman parte da Historia do Concello de Nigrán e son persoas moi queridas entre os veciños e os traballadores, polo que é un día especialmente emotivo para todos. Estamos moi agradecidos polo seu traballo neste tempo e desexamos que gocen ao máximo a súa merecida xubilación”, sinalou o alcalde, Juan González, antes de entregarlles cadansúa placa conmemorativa.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.