11.8 C
Pontevedra
Venres, 21 de Xuño de 2024
Máis
    HomeVal MiñorNigránO Concello de Nigrán inicia con oito alumnos o curso de socorrismo

    O Concello de Nigrán inicia con oito alumnos o curso de socorrismo

    O Concello de Nigrán avanza para garantir a seguridade nas praias este verán ao iniciar este semana con 8 alumnos o seu segundo curso gratuíto para obter o certificado oficial de socorrismo, requirimento imprescindible para poder traballar nos areais. Foi precisamente con este obxectivo de atallar coa dificultade de cada ano de obter titulados co que o Concello investíu preto de 14.000 euros nesta formación dirixida inicialmente a 10 persoas empadroadas (8 foron as que superaron as probas de acceso). Impartido novamente por BIG Formación e cunha duración total de 420 horas, a formación práctica desenvolverase na Piscina Mancomunada da Ramallosa e os que superen o curso rematarán xusto a tempo de optar a un posto como socorrista este verán nos areais do Val Miñor.

    “Anualmente se repite o problema de falta de socorristas en toda Galicia coa titulación requirida, polo que é importante ofrecer este curso á veciñanza”, engade. Así, o compromiso do goberno de Nigrán coa seguridade e calidade asistencial nos areais e máximo, e ante o insuficiente número de profesionais o Concello xa formou a unha decena de veciños o ano pasado co obxectivo de atallar este problema na súa comarca definitivamente.

    “Trátase dun certificado de profesionalidade moi demandado e cun custe económico alto tendo en conta que o traballo é moi estacional, motivo polo que hai escasos socorristas coa titulación válida para exercer o seu traballo nas praias, unha circunstancia que desde o Concello queremos palir ofrecendo esta formación de xeito gratuíto entre os nosos veciños”, explica González.

    Neste curso oficial, o alumnado adquirirá os coñecementos necesarios para velar pola seguridade dos usuarios de zonas de baño público en espazos acuáticos naturais, de forma autónoma ou integrado nun equipo de rescate e socorrismo, velando pola seguridade, previndo que se produzan situacións potencialmente perigosas realizando unha vixilancia permanente e eficiente e intervindo de forma eficaz ante un accidente ou situación de emerxencia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.