17.7 C
Pontevedra
Xoves, 23 de Maio de 2024
Máis
    HomeVal MiñorNigránO Concello de Nigrán convoca o seu 'I Certame Infantil e Xuvenil...

    O Concello de Nigrán convoca o seu ‘I Certame Infantil e Xuvenil de Relatos Curtos Carlos Casares’

    O Concello de Nigrán vén de convocar o seu ‘I Certame Infantil e Xuvenil de Relatos Curtos Carlos Casares’ dirixido a todos os centros públicos e concertados do municipio (Primaria, Secundaria e Bacharelato) ou de Educación Especial. O obxectivo é promover a lingua galega entre a mocidade ao tempo que se homenaxea a un dos veciños máis ilustres de Nigrán, Carlos Casares, no 20 aniversario do seu cabodano. Neste sentido, o Concello organizará múltiples actos durante todo o ano tamén xunto á Fundación Carlos Casares, como é o caso.

    “Para Nigrán é un orgullo que Carlos e Cristina elixisen vivir en Vilariño e que aquí virán medrar aos seus fillos, as súas ilusións, os seus libros e os seus proxectos”, sinala o rexedor, Juan González, quen aposta por manter este certame de xeito anual adicado a súa figura e avanza un verán cheo de programación adicada ao escritor que incluirá roteiros, teatro ou exposicións. “Todos tiñamos conciencia cando o víamos pasear coma un veciño máis de que Casares era unha persoa moi especial e de que era unha honra telo aquí, por eso consideramos un deber honrar a súa memoria desde o Concello”, considera.

    Cada colexio e instituto poderá presentar ata o 17 de Maio un máximo de 4 obras, ben elaboradas por un alumno ou por un grupo deles, sempre coa condición indispensable de ser en galego, inéditas e orixinais. O Concello establece neste certame dúas categorías, ‘Cativos’ (nados entre o 01/01/2013 ó 31/12/2010) e ‘Mozos’ (nados do 01/01/2009 ó 31/12/2003), outorgando cadanseu premio ao centro gañador, consistente nunha obra de teatro ou similar e un lote de libros, ademais dunha condecoración. O xurado estará representado por un representante da Fundación Carlos Casares e outras dúas persoas recoñecidas pola súa vinculación ao mundo editorial e literario. O resultado darase a coñecer o 1 de xuño no Taboleiro Municipal e Sede Electrónica. Neste mesmo espazo están penduradas as bases do certame, onde se explica o sistema de sobres e pseudónimo para preservar o anonimato en todo o proceso ou cuestións como a extensión máxima, tamaño de letra…  

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.