11.8 C
Pontevedra
Venres, 21 de Xuño de 2024
Máis
    HomeVal MiñorNigránO Concello de Nigrán completa a plantación de arbolado en Porto do...

    O Concello de Nigrán completa a plantación de arbolado en Porto do Molle

    Investíu 50.000 € na renovación de todos os alcorques e na plantación de 26 gingkos bilova e 15 liquidambar xa de gran tamaño e 31 plantas ‘Photinia Red Robin’

    O Concello de Nigrán investiu 50.000 € para completar a plantación de arbolado no parque empresarial de Porto do Molle, o que implica a reconstrución dos alcorques, que se atopaban en moi mal estado. Así, adquirironse 26 gingkos bilova para a rúa Xial e 15 liquidámbares para decorar a rotonda principal de acceso, na rúa das Pontes, en ambos casos xa de gran tamaño. Igualmente, os alcorques da rúa Lagares foron acondicionados con plantas de Photinia Red Robin.

    “Este é un parque que precisamente destaca como exemplo de calidade e respeto medioambiental e que aporta moitos beneficios ao municipio; era unha actuación prioritaria, o noso compromiso é revertir neste parque boa parte dos beneficios que xenera”, sinala o alcalde, Juan González.

    Neste sentido, o Concello apostou polo liquidambar e o gigko bilova, unhas árbores caducifolias moi resistentes que no outono colle unhas tonalidades espectaculares desde amarelo intenso a vermello. O liquidambar ten follas semellantes ás do arce e as do gingko, especie sagrada en Oriente e famosa por sobrevivir un á bomba de Hiroshima, teñen forma de volvoreta. “A súa presenza dará unha imaxe marabillosa ao parque, acorde ademais coa súa identidade”, subliña González.

    O Concello iniciou no 2017 a resposición do arbolado porque os antes existentes, falsos pimenteiros, se atopaban en moi mal estado ou directamente non se conservaban, iniciándose a renovación con liquidámbares de gran porte.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.