17.7 C
Pontevedra
Xoves, 23 de Maio de 2024
Máis
    HomeVal MiñorNigránO Concello de Nigrán aproba no pleno 120.000 € en axudas directas...

    O Concello de Nigrán aproba no pleno 120.000 € en axudas directas ao sector hostaleiro e do taxi

    Finalmente elévase de 600 a 750 € a subvención para parados do sector sen ningún tipo de prestación e se suma ás contías de 1.000 € aos empresarios o importe do recibo trimestral da auga e a parte proporcional do lixo(1 mes), ademais do 75% do Rodaxe aos taxistas

    O goberno de Nigrán aprobou coa unanimidade da Coporación no pleno desta mañá as bases para establecer axudas directas de 120.000 € ao sector hostaleiro afectado polo peche sanitario do 4 de novembro e ao sector do taxi da localidade prexudicado polas restrición de mobilidade. A cantidade da subvención finalmente incrementouse sobre o acordado inicialmente co sector para incluír tamén a bonificación na hostalaría do recibo trimestral da auga e a parte proporcional do lixo (un mes) e, no sector do taxi, a axuda será de 70 € para compensar o 75% do imposto de Rodaxe. Igualmente, para os desempregados da restauración por mor do peche e sen dereito a prestación establecéronse 750 €, sendo Nigrán a primeira administración en ter en conta a situación destas persoas.

    “Tramitamos estas bases en tempo record e sen agardar aos informes do interventor para poder acelerar ao máximo o pago aos hostaleiros, asumimos esa responsabilidade legal que vai implícita porque somos consicientes da urxencia”, explicou o alcalde, Juan González, antes de que tomase a palabra o propio interventor para ratificar os seus reparos suspensivos. “A situación é complicadísima, a Xunta foi quen decretou o peche e non vou a entrar en críticas, pero desde o goberno local non miramos a un lado e tomamos a iniciativa de aprobar as primeiras axudas ao respecto en toda a comarca nun tempo record e sen esquecer aos desempregados sen prestación”, incidíu González.

    As bases deberanse publicar no Boletín Oficial da Provincia e, a partir de aí, abrirase o prazo dun mes para presentar a documentación, polo que previsiblemente será a inicios de ano cando se poidan tramitar as solicitudes.

    A maiores, o propio rexedor confirmou publicamente que manterá para o ano 2021 a bonificación do 75% da taxa por terrazas (máximo permitida por lei) e, adicionalmente, mentres duren as restricións, continuará co servizo de reparto gratuíto para os hostaleiros con delivery, medida que tomou con gran éxito o goberno local tras o peche decretado o 4 de novembro.

    Ambulatorio de Panxón

    O Concello de Nigrán desbloqueou a semana pasada a situación administrativa do antigo ambulatorio de Panxón que impedía, ata agora, a cesión da Tesorería General de la Seguridad Social a favor do consistorio. Paralelamente, o PP presentou unha moción no pleno para instar ao goberno a tramitar a transferencia do mesmo incidindo o seu voceiro en que non pode ser un Centro de Día (como defende o goberno xunto coas entidades veciñais) e sí un centro de formación ao non ser o último unha competencia municipal e manifestando dudas da súa posible xestión. “Estamos xa na recta final para acadar a cesión, a partir de aí traballaremos para facer un Centro de Día”, zanxou González.

    Comunidades de augas

    Durante o turno de rogos e preguntas o voceiro popular criticou duramente as axudas que o consistorio está prestando actualmente ás comunidades de augas de Camos e Chandebrito para regularizase por consideralas “entidades privadas sen un fin social”, polo que subliñou en que “a forma do Concello non é válida”, tachándoa de “chiringuito”. “As traídas de Camos e Chandebrito dan servizo ancestralmente a moitos fogares aos que aínda non chega o abastecemento público, polo que consideramos que é deber do Concello compensalas garantindo a continuidade e seguridade sanitaria deste servizo que alcanza a máis de 200 familias e que vostede considera privado”, explicou o alcalde, quen ratificou esta colaboración ante o fin das concesións que precisan renovarse. Deste xeito, co fin de adaptarse á normativa sanitaria, o Concello investirá preto de 55.000 € en diferentes obras en Lapela, Rotea e Piñeiros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.