8.7 C
Pontevedra
Xoves, 28 de Marzo de 2024
Máis
    HomeVal MiñorNigránO Belén de Rosa e Fernando, 24 anos de tradición do Nadal...

    O Belén de Rosa e Fernando, 24 anos de tradición do Nadal de Nigrán

    O Nadal faise notar nunha casa de Nigrán cun gran belén. De entre os moitos beléns que se poden visitar estes días na comarca do Val Miñor, chama a atención o da parroquia de San Pedro da Ramallosa, na rúa do Gobernador. Dende hai 24 anos, Rosa e Fernando abren as súas portas para que veciñanza e visitantes poidan gozar dun fermosísnimo Belén, non só polo seu tamaño senón pola cantidade de elementos que incorpora.

    Os autores deste nacemento de 45 metros cadrados, son un matrimonio nigransense que dedica algo máis dun mes e moitas horas para dar forma ao belén que leva instalando case dúas décadas no salón da súa casa.

    “É algo que nos gusta desde sempre, e a tradición vén desde hai 24 anos”. A tradición comezou coa nai de Rosa, aínda que cun belén máis pequeno, e agora segue no feliz matrimonio nigranense que cada ano faio máis grande. Rosa e Fernando montan o seu gran belén aos poucos, desde principios de novembro, e ás veces, mesmo quedan ata as dúas da madrugada. Á parte de paredes de cortiza, serrín e madeira, o Belén amosa máis dun centenar de figuras, que algunhas utilizan pequenos motores extraídos de microondas e outros aparellos eléctricos reciclaxes para obter movemento.

    O belén permanecerá montado os meses de decembro e xaneiro. Cabe destacar que recibe 300 visitas cada ano, con entrada gratuíta, e todas aquelas persoas poden visitalo no número 17 da rúa Gobernador, en Nigrán.

    “Trátase dunha tradición máis do Nadal de Nigrán e que o próximo ano cumprirá o seu 25 aniversario, unha familia que desmonta o salón da súa casa coa única ilusión de crear un espazo aberto a todo o mundo e onde gozar un pouco máis do Nadal”, explica o alcalde de Nigrán, Juan González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.