7.9 C
Pontevedra
Venres, 29 de Marzo de 2024
Máis
    HomeVal MiñorNigránO auditorio de Nigrán ofrecerá este sábado a obra 'O que hai...

    O auditorio de Nigrán ofrecerá este sábado a obra ‘O que hai que ver!’

    O Concello de Nigrán ofrece este sábado 8 de Outubro ás 20:00 horas no Auditorio Municipal a obra ‘O que hai que ver!’ da compañía de teatro Fulano, Mengano e Citano. A actuación encádrase no programa cultural da Deputación de Pontevedra ‘Tornar ás Táboas’. A entrada é de balde ata completarse o aforo.

    Reflectir a realidade e facelo con humor son os principios que guiaron a Fulano, Mengano e Citano durante a súa longa traxectoria sobre os escenarios de toda o panorama galego. Nas súas representacións, o espectador pasa unha velada en grao sumo agradable, con risas sostidas e contaxiosas, onde se mestura a reflexión e a crítica construtiva sobre as realidades actuais mesturado nun sinxelo traballo de escenificación, no que a sátira se une ao humor intelixente. ‘O que hai que ver!’ é unha das súas obras fetiches e está protagonizada por Marcos Alonso, Suso Pando e Manuel Pombal.

    Sinopse

    ‘O que hai que ver!’ é unha combinacion dalgúns dos mellores sketchs da historia de Fulano, Mengano e Citano. A maiores aparecen outros, de nova creación, aos que se lle engaden unha serie de cancións orixinais cargadas de ironía. Un show que no seu conxunto forma un ‘todo’ variado, dinámico e sorprendente, seguindo a liña de humor que caracteriza á compañia. Un espectáculo que conta, en clave satírica, unha serie de historias próximas, actuais e sorprendentes, nas que o humor se funde co teatro para crear un cóctel explosivo destinado a lograr que os espectadores gocen coa risa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.