O Concello de Nigrán acolle do 9 ao 11 de novembro, no Auditorio Municipal, a 130 psicólogos de toda España para abordar o tema de ‘A Morte’ e todas as súas implicacións emocionais. Baixo este preciso título se desenvolverán as XXVIII Xornadas da Sección de Psicoloxía e Saúde do Colexio Oficial de Psicoloxía de Galicia que inaugurará o alcalde, Juan González, o venres 10 ás 9:30 horas (o día anterior celebraranse obradoiros) e na que participan expertos de todo o país.
Estas xornadas teñen como obxectivos coñecer as principais características da dó, tanto en poboación adulta como infanto-xuvenil e o seu manexo clínico, comprender as particularidades da dó tras o suicidio e da dó perinatal e os fundamentos da intervención, reflexionar sobre a intervención en prevención do suicidio e analizar a relación entre suicidio e trastornos por uso de sustancias, coñecer as características da PAM (Prestación de Axuda para Morrer) e a súa aplicación en Galicia, así como debater acerca das cuestións bioéticas que a morte suscita nos profesionais sanitarios e aprender sobre os coidados palitavos, tanto en adultos como en adolescentes, e tanto hospitalarios coma no fogar do paciente.
