3.1 C
Pontevedra
Martes, 31 de Xaneiro de 2023
Máis
    HomeVal MiñorNigránNigrán promociona o comercio local a través dunha campaña especial de Nadal

    Nigrán promociona o comercio local a través dunha campaña especial de Nadal

    O pequeno comercio de Nigrán dá unha vez máis a cara polo seu sector. O Concello de Nigrán, coa colaboración da asociación de empresarios Ovalmi, lanza unha campaña especial de promoción baixo a etiqueta #EsteNadalMercaEnNigrán na que os propios comerciantes son os protagonistas. En total, 24 establecementos de todo o municipio e preto de 50 cabezas visibles dos mesmos solicitaron participar nesta iniciativa municipal tras realizarse un chamamento público no mes de Novembro. Tendas de roupa, florerías, librerías, ópticas, perruquerías, hostalería… forman parte grazas ao rostro de cadanseu dependente e, xuntos, representan a todo o tecido comercial da localidade.

    O resultado xa está na rúa: figuran en diferentes vallas do municipio, anuncios en prensa e cartalería e cada un conta (ou contará) nos próximos días co seu gif particular para circular en redes sociais e facer viral o hashtag. O Concello de Nigrán continúa así co seu esforzo para incentivar o comercio de proximidade entre a veciñanza, tal e como ven facendo desde hai anos con diferentes campañas, nesta ocasión cun toque informal e divertido mediante o propio deseño e os posados dos protagonistas.

    “O obxectivo é subliñar ante a nosa veciñanza e visitantes que temos un tecido de pequeno comercio moi variado e que paga a pena”, subliña o alcalde, Juan González, quen considera que, precisamente o Centro Comercial Nasas, pode ser un ‘gancho’ de clientes. “Milleiros de persoas acudirán ex-profeso a este Nadal a Nasas, xente que en pleno Inverno non tería vido a Nigrán e que aproveitará para pasar o día aquí, por iso temos que saber captalos e amosarlle que ademais deste centro comercial, tamén temos un tecido moi variado de pequeno comercio de calidade que ofrece unha atención totalmente personalizada”, explica González.

    Outra novidade deste ano é que, xunto a Ovalmi e Aqualia, o Concello promocionará por vez primeira un ‘Rasca e Gaña’ entre os establecementos cun total de 5.000 € en premios e se establecerá desde o día 23 de decembro ao 5 de Xaneiro unha ludoteca no Centro Comercial Ramallosa para deixar ás crianzas durante as compras (núcleo urbano onde desde o pasado Nadal está aberto o parking municipal gratuíto, aspecto que se promocionará xunto á ludoteca). E como xa é habitual, os comercios asociados a Ovalmi e os que participan no ‘Rasca e Gaña’ recibirán bolsas e sobres de papel kraf ilustradas coa campaña.

    O Concello de Nigrán xa ten elaborado e difundido desde hai anos motivos para mercar no municipio: “ Porque somos veciños. Porque cando todo isto pase seguiremos mantendo as rúas con vida. Porque axudas as persoas emprendedoras e xeras emprego. Porque a riqueza se queda no pobo. Porque evitas maiores desprazamentos e resulta ecolóxico. Porque ti nos importas”.

    Todo o deseño e a iniciativa da campaña é obra da deseñadora gráfica de Nigrán Olalla Fernández, a camarógrafa miñorana Cristina Grande e o departamento de Comunicación do Concello.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS