13.7 C
Pontevedra
Mércores, 22 de Maio de 2024
Máis
    HomeVal MiñorNigránNigrán ofrece obradoiros de manualidades para crianzas de 7 a 14 anos

    Nigrán ofrece obradoiros de manualidades para crianzas de 7 a 14 anos

    O Concello de Nigrán, dentro da súa programación especial de Nadal, ofrece o 26 e 27 de decembro no Auditorio Municipal sendos obradoiros de manualidades para crianzas de 7 a 14 anos empadroadas no municipio, sendo preciso inscribirse previamente a través do formulario web en www.nigran.es ao estar as prazas limitadas a unha ducia.

    A actividade destes dous días, dirixida por Nanda Misa, estenderase de 17:00 a 19:00 horas e consistirá na elaboración e pintado dun pequeno cachalote réplica de ‘Balmi’ (a particularidade da escultura é que está realizada ao 100 % con lixo aparecido nas nosas costas, por iso pretende ser un símbolo do compromiso de Nigrán coa sostibilidade e o respecto medioambiental).

    O obxectivo do Concello é ofrecer ocio de calidade ás crianzas ao tempo que se favorece a conciliación laboral e familiar durante as vacacións do Nadal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.