O Concello de Nigrán ofrece este martes, 24 de outubro ás 18:00 horas na Biblioteca Municipal, o contacontos infantil pola igualdade ‘Na túa Man’, a cargo de Raquel Queizás. A actividade, para crianzas a partir de 3 anos e cunha duración de 45 minutos, encádrase no programa de animación á lectura ‘Ler Conta Moito’ e non require de inscrición previa.
Nellie Bly foi a primeira reporteira de periodismo de investigación e pioneira do xornalismo encuberto. Remexeu as conciencias coas súas atrevidas e perigosas reportaxes. Ao longo dunha inesperada investigación imos ir descubrindo historias e relatos para poñer en valor o respecto, a tolerancia e mais a comunicación dentro das relacións entre as persoas. Desmitificaremos o mal chamado “amor romántico” para darmos a coñecer o fenómeno da violencia de xénero, incidindo nas causas, tipos e consecuencias. Viaxaremos na procura de novos modelos saudábeis de parella. Atoparemos mulleres fortes e decididas, e homes que poden expresar outras emocións que non sexan a rabia e a ira, que está ben mostrar tenrura, e que coidar tamén é cousa de homes. O cambio está nas nosas mans, o cambio está NA TÚA MAN.