10.2 C
Pontevedra
Venres, 29 de Marzo de 2024
Máis
    HomeVal MiñorNigránNigrán ofrece este sábado un concerto de piano

    Nigrán ofrece este sábado un concerto de piano

    O Concello de Nigrán ofrece este sábado de 18:00 a 20:00 horas no Auditorio Municipal o concerto das pianistas da comarca Noemí Rodríguez (18 anos, Vigo) e Iria Pérez (19 anos, Nigrán), que tocarán pezas de Mozart, Chopin, Beethoven e Bach. A entrada é de balde ata completar o aforo.

    Noemí Pérez é pianista e compositora , actualmente cursando o último curso de grao profesional da especialidade de piano no CMUS Vigo, ao mesmo tempo que recibe clases impartidas por Abe Rábade no Seminario Permanente de Jazz de Pontevedra. Noemí tocará a sonata nº8 de Mozart e ‘Estudio Revolucionario’ de Chopin.

    Noemí Rodríguez
    Iria Pérez Alejos

    Iria Pérez Alejos comezou os seus estudos musicais á idade de 9 anos no conservatorio Elemental de Gondomar xunto á profesora Patricia Goberna García. Actualmente cursa o último ano de grao profesional na especialidade de piano no CMUS Vigo xunto á profesora Eva María Palacios Toledo. Recibiu consellos de profesores como Patrín García-Barredo, Enrique Goberna, Miriam Gómez-Morán e Mariana Gurkova. Á súa vez participou en diferentes cursos como o Curso Mar a Mar ou o curso Forum Musikae Verán. Iria tocará ‘Preludio e Fuga no 14 WTK Vol. II en fa #menor de Bach, Sonata no 6 de Beethoven e Nocturno no 16 Op 55 no 2 de Chopin.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.