16.5 C
Pontevedra
Xoves, 20 de Xuño de 2024
Máis
    HomeVal MiñorNigránNigrán ofrece este sábado a actuación do tenor José Manuel Zapata

    Nigrán ofrece este sábado a actuación do tenor José Manuel Zapata

    A actuación terá lugar no campo de fútbol de Lourido cun aforo reducido a 500 persoas que deben inscribirse previamente a través da web www.nigran.org. Ao finalizar asinará exemplares do seu último libro

    O Concello de Nigrán pechará a súa programación especial de verán co actuación estelar do tenor José Manuel Zapata (Granada, 1973) o sábado 4 de setembro ás 21:00 horas no campo de fútbol de Lourido. O prazo de inscrición xa está aberto a través dun formulario na web municipal www.nigran.org pechándose o venres 3 de setembro ás 14:00 horas ou ben cando se acaden as 500 prazas ofrecidas.

    O prestixioso cantante, divulgador e escritor presenta un espectáculo  no que repasará as melodías que o teñen acompañado ao longo da súa vida non só  como primeiro tenor de ópera. Así, acompañado por Claudio Constantini ao piano e ao bandoneón, Zapata introducirá, presentará e interpretará temas de Verdi como  ‘La Donna e mobile’, ou cancións popularizadas por Caruso como ‘Torna a Surriento’ e tangos de Gardel como ‘Volver’,  ‘Por una cabeza’ ou Nostalgias. A maiores, ao finalizar, asinará exemplares do seu último libro ‘Música para la vida’ (o mesmo nome que o espectáculo).

    “É unha oportunidade que ningún amante da música, en xeral, se debería perder porque se trata dun tenor de renome internacional, que ten actuado nos mellores escenarios do mundo, e que destaca tamén polo seu didactismo nos seus espectáculos”, explica a mezzosoprano e edil de Cultura, Nuria Lorenzo, quen pon énfase tamén na marabillosa localización do concerto, aos pés de Lourido e Praia América.

    Biografía

    José Manuel Zapata realizou estudos de canto en Madrid con Toñy Rosado Casas e con Ana Luisa Chova no Conservatorio Superior de Música de Valencia. Debutou en 2002 en Il turco  in Italia de Rossini no Teatro Campoamor de Oviedo, baixo a dirección de Alberto  Zedda. Unha rápida traxectoria levoulle a actuar no  Metropolitan Opera House de Nova York, o Gran  Teatre do  Liceu de Barcelona, o Rossini Opera Festival de  Pésaro, a  Deutsche  Oper de Berlín, a  Semperoper de  Dresden, o Teatro Real de Madrid e coliseos de Parma,  Palermo, París e Viena antes de cambiar o rumbo da súa carreira orientándoa ao mundo da radio e a divulgación, sen deixar os teatros de ópera pero asumindo papeis de carácter.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.