7.6 C
Pontevedra
Venres, 29 de Marzo de 2024
Máis
    HomeVal MiñorNigránNigrán ofrece este domingo o 'VII Memorial Secundino Pérez Sanromán'

    Nigrán ofrece este domingo o ‘VII Memorial Secundino Pérez Sanromán’

    O Concello de Nigrán ofrece este domingo desde as 17:00 horas no Auditorio Municipal o ‘VII Memorial Secundino Pérez Sanromán’, adicado ao gran mestre de gaiteiros de Chandebrito falecido no ano 2014. No evento tocarán os seus ex-alumnos e os grupos folclóricos da comarca Ardelume de Baíña, Ecos e Agarimos de Peitieiros, Novos Aires de Coruxo, O Castro de Chandebrito, Aire Santes de Víncios e A Merced de Chaín, todos impulsados polo propio Secundino.

    Para esta ocasión, o Concello editou unha revista grazas á colaboración desinteresada de Thays Cabaleiro, gaiteira de Priegue e ex-alumna. Esta publicación recolle a biografía de Secundino, imaxes de diferentes épocas, unha a transcripción dunha entrevista realizada no 2013 pola Comisión de Festas de Priegue, unha reseña sobre a charanga ‘Os Leóns de Camos’ da que formou parte e, adicionalmente, contén as partituras dalgunhas das súas pezas máis coñecidas: entre ellas, a muiñeira ‘Cinzas do Castro’, os pasodobres ‘O Torreiro de Priegue’ e ‘Olas de Nigrán’, a ‘Rumba de Chandebrito’, a ‘Troulada de Vilariño’ ou a ‘Xota Roquiña’. “Esta revista forma parte da nosa obsesión como  goberno de preservar e documentar a Historia de Nigrán. Secundino foi un gaiteiro mestre de mestres nacido en Chandebrito, temos o deber como concello de divulgar a súa vida e a súa obra, ese é o obxectivo”, resume o alcalde, Juan González.

    Secundino naceu en xullo do 1931. Tivo o seu primeiro contacto coa música tradicional cunha frauta de cana aos oito anos. E poucos anos despois, tras regalarlle o seu pai unha gaita, comezou a tomar clases. Logo de moito ensallar foi collendo experiencia e destreza, e foi entón entrou a formar parte de “Os Leóns de Camos”, unha das primeiras charangas da comarca. Pero se por algo é coñecido Secundino é pola súa dedicación a ensinanza. Mestre de varias xeracións de músicos, compositor, creador de infinidade de grupos de gaitas como son o de Sabarís, A Ramallosa, Priegue, Peitieiros, Baíña, Couso, Chandebrito… foi un home de gran paciencia e bonito carácter.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.