19.9 C
Pontevedra
Mércores, 19 de Xuño de 2024
Máis
    HomeVal MiñorNigránNigrán ofrece en Gaifar o festival de percusión afrobrasileira 'Apertuke'

    Nigrán ofrece en Gaifar o festival de percusión afrobrasileira ‘Apertuke’

    O Concello de Nigrán, un ano máis e como despedida xa do verán, ofrece o 16 e 17 de setembro o IV Festival de Percusión Afrobrasileira “Apertuke”, organizado a través da Asociación de Percusionistas e Tamborileiros ‘Aperta’. Durante dous días, o espazo deportivo municipal de Gaifar (Panxón) encherase de concertos, batucadas, obradoiros de percusión, infantís e de danza, pasarrúas, circo e animación… Tódalas actividades, agás o obradoiro de percusión para maiores, son de balde. No recinto haberá tamén barra, postos de comida e postos de artesanía. O obxectivo é ofrecer un evento próximo, igualitario, participativo, social, horizontal, aberto, educativo, respectuoso coas persoas e respectuoso co medio ambiente.

    O sábado 16 pola mañá, ‘A Cami’ do grupo ‘Escandalera Escenario’, impartirá un obradoiro de percusión fusión con ritmos afrolatinos e ‘Matrácala’ ofrecerá un obradoiro infantil de percusión con instrumentos reciclados. Pola tarde será a quenda dos grupos de percusión coas actuacións de Aperta, Perqtores e Latexo. Ademáis, Cé Orquestra Pantasma ofrecerá o seu espectáculo para tódalas idades, Patty Diphusa presentará e animará cunha función para peques e maiores, e Barafunda traerá espazo de xogos e animación infantil coa proposta de tres obradoiros. Tras a posta de sol, este ano coma novidade haberá cucañas e xogos e un obradoiro de danza afrohouse, gratuito e impartido por Geni Muxima. De seguido, Black Stereo abrirá as actuacións de escenario e seguirá a facernos bailar co seu repertorio de músicas negras: Soul, Rhythm&blues, Funk, Disco… Tras eles, as mozas de Escandalera Escenario, chegadas dende Barcelona, mostrarán o seu espectáculo onde levan a percusión a un espazo creativo que mestura diferentes artes escénicas integradas. A continuación, será a quenda de Fanfarria Taquikardia, que ofrecerá o seu trepidante repertorio, que vai das melodías balcánicas a coñecidas pezas da música clásica e do cine, pasando pola música tradicional galega e latina, achegándolle sempre o espírito necesario para o baile e a xoldra. O fin de festa porao a dj Nu.Eva, selectora musical, bailarina e xestora cultural da cidade olívica que fará a súa sesión xogando con diferentes estilos, sempre cun background marcado por ritmos percutivos de kuduro, o afrobeat, ritmos do Caribe, funk do Brasil e beats máis urbanos.

    A programación continuará o domingo 17 a partir das 13:00 h. cun gran pasarrúas que, un ano máis, percorrerá o paseo marítimo de Panxón con tódolos participantes no obradoiro do sábado. Toda a programación e información do festival está dispoñible na súa páxina web www.apertuke.com.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.