O Concello de Nigrán estrea hoxe a súa segunda electroliñeira municipal e gratuíta ao carón da Casa Consistorial, o que convirte ao municipio no primeiro de España en número de cargadores públicos. Así, este novo punto con dúas tomas é igual ao que dispuxo o Concello no 2018 na mesma ubicación e se suma as electroliñeiras instaladas por Iberdrola ao carón do Centro de Negocios do parque empresarial Porto do Molle e fronte ao Pavillón de Panxón, cada unha delas con capacidade para simultanear a carga de 4 coches. A maiores, o Concello dotou de sendos enchufes a dúas prazas de aparcamento do parking público de A Ramallosa.
“Nigrán é unha referencia en termos de promover o uso do vehículo eléctrico entre a veciñanza, incentivamos a súa compra con feitos tanxibles. A electroliñeira do Concello é moi empregada e consideramos necesario ampliala con outra máis”, subliña o alcalde, Juan González, quen incide en que o goberno local aprobou no 2018 unha bonificación do imposto de rodaxe nun 50% aos vehículos híbridos ou a gas (GLP) e nun 75% aos eléctricos ou híbridos enchufables, etiquetados estes últimos pola DGT como ‘0 emisións’. Deste xeito, o Concello de Nigrán segue a estela de moitas administracións públicas de toda Europa e continúa á vangarda de Galicia. Compre sinalar que, como parte do plan de acción do ‘Pacto Europeo de Alcaldes polo Clima e a Enerxía’, o Concello ten comprometido acadar unha reducción das emisións de CO2 nun 40% de aquí a 2030, isto suporá que o municipio deixe de lanzar 23.271 toneladas de CO2 á atmósfera tomando como referencia as cifras do ano 2017.
Nesta liña, o Concello de Nigrán foi renovando a súa flota con 4 vehículos 100% eléctricos que sustituiron, entre outros, a sendas furgonetas municipais de máis de 20 anos de antigüidade e, polo tanto, moi contaminantes. “Dende o propio Concello queremos contribuir a baixar a cota de emisións coa renovación da flota a prol do uso de enerxías limpas”, sinala o edil de Medio Ambiente, Diego García.
“Trátase de incentivar entre a veciñanza a compra de vehículos eléctricos porque son os únicos non contaminantes; é un transporte moi silencioso e que non produce ningún tipo de emisión”, resume o alcalde, Juan González, quen considera “unha labor da administración promover o uso de enerxías limpas e facilitar o acceso a elas”.
Este primeiro punto de carga semi-rápida atópase no aparcamento da Casa Consistorial e conta con dous tomas de alta potencia de 22 KW válidas para sendos vehículos (compre destacar que a maioría das que se atopan en parkings ou establecementos privados son de 3,6 KW). Tódolos propietarios de coches eléctricos poderán empregalo gratuitamente solicitando no Servizo de Atención Cidadá (pranta baixa do Concello) unha tarxeta magnética válida para suministrar enerxía durante un tempo máximo de 120 minutos.
