11.8 C
Pontevedra
Venres, 21 de Xuño de 2024
Máis
    HomeVal MiñorNigránNigrán estrea un novo parque infantil na Ramallosa

    Nigrán estrea un novo parque infantil na Ramallosa

    O Concello de Nigrán estrea un novo parque infantil na Praza Carlos Casares de A Ramallosa tras investir 30.000 € na total remodelación do espazo existente, que contiña desde hai décadas un único xogo modular para primeira infancia totalmente obsoleto. Situado ao carón do horto urbano comunitario creado polo Concello no ano 2022 e do parque canino inaugurado no 2019, o novo lugar de recreo responde a unha demanda da veciñanza e ao desexo do Concello de completar a remodelación desta praza totalmente carente de vida ata a materialización destes tres proxectos nos derradeiros tres anos.

    O novo espazo conta agora cun novo conxunto modular de madeira que contén dous tobogáns; un columpio múltiple para uso simultáneo dun adulto e crianza, outro columpio convencional e dous balancíns con sendos resortes. A maiores, substiuíuse a superficie de area por formigón pulido e caucho homologado nas áreas de seguridade dos xogos. “As propias persoas que acuden a diario á horta ou a pasear os cans nos pediron que complementásemos este lugar cun parque infantil”, explica o alcalde, Juan González, quen aposta por potenciar este tipo de proxectos que reúnen nun mesmo lugar diferentes actividades para todo tipo de públicos. “Pasamos de ter unha plaza totalmente descoñecida na Ramallosa a unha praza chea de vida”, resume o rexedor sobre este lugar ubicado sobre o parking municipal e contigua á piscina mancomunada.

    Adicionalmente, o Concello investíu 4.000 € en substituír a area do parque infantil situado na Porqueira (Panxón) ante a petición da veciñanza e plantexa grandes investimentos na Praza Rosalía de Castro de Nigrán e na Praza da Biblioteca para, precisamente, habilitar zonas de xogo para a infancia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.