15.3 C
Pontevedra
Venres, 14 de Xuño de 2024
Máis
    HomeVal MiñorNigránNigrán estrea un gran mural na entrada do auditorio a cargo do...

    Nigrán estrea un gran mural na entrada do auditorio a cargo do artista multidisciplinar Diego Lago

    Nos preto de 40 metros de parede represéntanse boa parte das artes escénicas mediante pinturas hiper-realistas dun mimo, unha bailarina de danza clásica, unha violinista, un cantante, un gaiteiro e Charles Chaplin

    O Concello de Nigrán estrea un gran mural en toda a entrada ao Auditorio Municipal de Nigrán realizado polo artista multidisciplinar Diego Lago, quen traballou durante 3 intensas semanas neste proxecto encargado desde a Concellería de Cultura para imprimir singularidade e cercanía neste espazo público. Así, os preto de 40 metros de parede conforman un auténtico lenzo onde se representa boa parte das artes escénicas mediante 6 sorprendentes pinturas hiper-realistas.

    Deste xeito, o público que se achegue ao Auditorio Municipal para calquera evento será benvido con este mural no que se retrata con absoluta pericia a un mimo, a unha bailarina de danza clásica, unha violinista, un cantante contemporáneo, un gaiteiro e Charles Chaplin rodando.

    “Fun traballando a partir dunha imaxe pintando con pintura acrílica, pincel, spray e rodillo, afrontando o traballo moi parecido a como o fago cun lenzo”, explica Diego Lago, director da escola viguesa Arte&Danza e profesional da fotografía e da pintura, á que se dedica desde máis dunha década tras moitos anos anteriores de formación. “Xa fixera un mural para unha discoteca de Santiago e outro en Barcelona, onde estudiei danza, este sería o primeiro nun espazo público”, explica Lago, quen habitualmente pinta lenzos en gran formato, especialmente retrato realista, onde se atopa moi cómodo. “A arte figurativa non está moi valorada en España pero a min é o que me gusta facer. Agardo que este mural teña boa acollida e que Nigrán se sinta orgulloso del”, desexa o artista, quen foi loubado pola propia concelleira, Nuria Lorenzo, e o alcalde, Juan González, ao rematar o mesmo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.