Concello de Nigrán e ‘Bicivoadores Val Miñor’ organizan este domingo 10 de outubro a ‘XII BTT Concello de Nigrán con máis de 150 participantes e cuxo prazo de inscrición permanece aberto ata este venres ás 22:00 horas ou ata acadar os 250 anotados.
Así, os interesados deben pagar ao clube 12 euros a través do número de conta bancaría ES88 0073 0100 5205 0625 5165 e enviar o xustificante a [email protected]. É obrigatorio o uso de proteccións, asi como o de máscara.
A proba, cada ano cun percorrido novo cheo de espectacularidade, arranca ás 9:00 horas na Praza do Concello e consta de 35 km de dificultade media-alta a través dos montes de Chandebrito, Coruxo, Saiáns, Parada, Vilaza e regreso ao Concello.
A hora de finalización prevista é ás 13:00 horas e os tres primeiros clasificados recibirán trofeos, ademáis, sortearanse agasallos entre os participantes e ofrecerase pinchos e bebida. Desde a organización destacan que se trata dun circuito axeitado tanto para principiantes como para afeccionados xa veteranos.