10.1 C
Pontevedra
Luns, 26 de Febreiro de 2024
Máis
    HomeVal MiñorNigránNigrán celebra o Día da Discapacidade cunha chocolatada

    Nigrán celebra o Día da Discapacidade cunha chocolatada

    O Concello de Nigrán foi onte o epicentro da celebración do ‘Día Internacional da Discapacidade’ na comarca cunha gran chocolatada no Pavillón de Panxón á que acudiron preto de 900 escolares de 15 centros educativos do Miñor. Precisamente, esta data conmemorativa do 3 de decembro pospúxose a este luns para poder festexala, como é habitual, co alumnado, e a ela acudiron os representantes políticos de cada municipio, que tamén tiveron unhas verbas para as crianzas. Un ano máis, o CEE Juan María, ubicado na parroquia de Parada, liderou a iniciativa.

    “Sodes o futuro, temos que ter empatía con todas as persoas, todos somos diferentes e iguais ao memo tempo. Todos temos o dereito a ser felices e a que nos respecten. Todos os días deberían ser o Día Internacional da Discapacidade”, considerou o alcalde de Nigrán, Juan González, anfitrión deste evento no que o Concello de Nigrán asumíu a organización da chocolatada e os autobuses de todos os centros educativos do municipio.

    “Celebramos y agradecemos que lo que antes parecía raro, difícil y lejano, hoy empieza a ser normal, fácil y accesible”, sinalou Pepe na lectura do manifesto, a cargo de tres usuarios do CEE Juan María, mentras que Iago agradeceu “que cada vez es más fácil pasear por la calle sin que nadie se dé la vuelta extrañado al vernos” e que se lles dean oportunidades de participación na comunidade. Finalmente, Cintia animou aos asistentes a que sigan dando “razones para celebrar y agradecer que cada vez vivamos en una sociedad más inclusiva, rica y diferente”. “Somos “Diferentemente Iguales”, concluíu.

    A xornada incluíu o contacontos educativo ‘Todos menos uno’, a cargo de Xermola Cantos e Contos, e a posterior chocolatada para todos e baile.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.