15.8 C
Pontevedra
Luns, 29 de Maio de 2023
Máis
    HomeVal MiñorNigránNigrán busca alternativa ao aparcadoiro da rúa Vilameán

    Nigrán busca alternativa ao aparcadoiro da rúa Vilameán

    A promotora iniciou esta semana as obras para construír 40 chalés pareados nesta parcela privada, polo que o espazo cedido ao Concello de xeito gratuíto a modo de aparcamento público está xa inoperativo

    O Concello de Nigrán tramita o expediente para poder alugar de xeito transparente unha nova finca céntrica que sirva de alternativa ao aparcamento público da rúa Vilameán, onde a promotora propietaria da parcela iniciou hoxe as obras para construír 40 chalés pareados, polo que este espazo cedido de xeito gratuíto no 2013 está xa inoperativo.

    Dende o Concello xa se mantiveron contactos con dous propietarios de parcelas moi próximas ao consistorio interesados en alugalas, estando o expediente xa en marcha para resolvelo nas vindeiras semanas.

    “Non perdemos un parking porque o substituiremos por outro antes de fin de ano, o relevante é que Nigrán despega económicamente tras a grave crise da construción”, sinala o alcalde, Juan González

    “Non perdemos un parking porque o substituiremos por outro tamén gratuíto antes de fin de ano, o relevante é que Nigrán despega económicamente tras a grave crise da construción e que con esta urbanización o Concello gaña espazo dotacional e 4 parcelas edificables. Sabemos que para moitos veciños isto é un inconvinte e unha incomodidade pero lles pedimos paciencia porque antes de fin de ano teremos unha alternativa igual de válida xa funcionando”, sinala o alcalde, Juan González.

    O rexedor local explica que o aluguer dunha finca por parte dun organismo público “conleva unha tramitación transparente que dé igualdade de oportunidade a tódolos propietarios interesados en concorrer”. “Faremos un anuncio público que contemplará, entre os diferentes requerimentos, a máxima proximidade ao núcleo urbano, e con este condicionante actualmente xa dispomos de dúas alternativas”, indica González, quen mantivo contactos cos propietarios de dúas parcelas de tamaño superior á de Vilameán e igual de próximas a Casa Consistorial.

    “Ter un espazo de aparcamento gratuíto para os veciños é unha prioridade porque somos conscientes do beneficio que supón para os veciños que non viven no núcleo urbano e para o comercio e empresas da zona”, engade.

    A parcela de Vilameán funcionou dende 2013 como aparcamento público cunha media de 50 coches aparcados a diario (o dobre durante a tempada estival). Así, este espazo da Unidad de actuación 3 (UA3) de 12.963 m2 supón xunto ao da Avenida Val Miñor (fronte a antiga Vanitas) a reactivación do sector da construción en Nigrán trala forte crise da construción, xa que son as primeiras licencias de vivendas que se outorgan no municipio dende o ano 2007.

    Na parcela de Vilameán construiranse 40 chalés pareados xa vendidos sobre plano, e na Avenida Val Miñor un bloque con 46 pisos, a maior promoción en máis dunha década.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS