15.8 C
Pontevedra
Venres, 30 de Setembro de 2022
Máis
    HomeVal MiñorNigránNigrán amplía a organización de 'Aniversarios de balcón' aos maiores do municipio

    Nigrán amplía a organización de ‘Aniversarios de balcón’ aos maiores do municipio

    Ante o éxito da iniciativa municipal para convocar á veciñanza para cantar ao nenos de aniversario e agasallar a domicilio coa axuda de Protección Civil, o Concello inclúe tamén as persoas de máis idade

    O Concello de Nigrán promoverá tamén a organización de ‘aniversarios de balcón’ para os máis anciás do municipio. Ante o éxito da iniciativa municipal lanzada a semana pasada para festexar os aniversarios dos cativos convocando á veciñanza máis próxima a través das redes sociais para cantarlle e mesmo desprazándose Protección Civil para entregar un agasallo, o Concello quere incluír tamén aos anciás de Nigrán, a poboación máis vulnerable ante o Covid-19.

    O alcalde de Nigrán, Juan González, entregando un agasallo de ‘Aniversarios de Balcón’

    “Os maiores de máis de 80 anos son aos que máis duramente ataca o virus e deben extremar todas as precaucións ao máximo, por iso consideramos que é de xustiza que estemos con eles e que sintan a nosa proximidade e a dos veciños no día do seu aniversario”, sinala o alcalde, Juan González, quen agradece a absoluta implicación e compromiso de Protección Civil nesta iniciativa municipal. O sistema será o mesmo que se está a empregar coas crianzas: os fillos destes maiores ou eles mesmos deben escribir a comunicacion@nigran.org indicando data do aniversario, nome, dirección e idade. O Concello pedirá a través das súas redes sociais que os veciños máis próximos lle canten ás 18:00 horas do día en cuestión sen saír da casa, ao tempo que Protección Civil acudirá a entregarlle un agasallo en nome do Concello.

    Jorge recibindo o seu agasallo

    Ademais desta entrega a domicilio, o Concello está a ofrecer ao público de 5 a 16 anos un pequeño show de maxia en directo a través de videochamada, opción con unha marabillosa acollida e que tamén se lle ofrecerá aos anciás. Así, o prestidixitador de Nigrán Rei Midas, a través do Concello, os sorprenderá o día do aniversario cunha chamada á hora concertada coa familia.

    Videochamada do Rei Midas. A maxia axuda a facer máis doado o confinamento

    “Queremos que pese a estar confinados ese día sexa moi especial para eles, que non o esquezan nunca, é tamén un xeito de amosar desde o Concello o noso cariño e a nosa cercanía, empatía e preocupación por non deixar a ninguén atrás nesta crise. Para nos non é unha cuestión menor e estamos orgullosos de promover ese Nigran amigable e solidario entre toda a veciñanza”, conclúe o alcalde.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS