O Concello de Nigrán vén de acadar que o programa ‘UNICO-Banda Ancha’ do goberno central para subvencionar ás teleoperadoras instaladoras de fibra óptica comprenda 822 vivendas do municipio non contempladas inicialmente. Isto foi posible grazas á proposta presentada desde o Concello de chegar a 60 núcleos considerados en ‘zona gris’ (aquelas que non teñen cobertura de redes de banda ancha, nin tampouco teñen previsión para recibila por parte dun operador nun prazo de tres anos con base a plans de investimento cribles). Esta resolución beneficiará, concretamente, a núcleos urbanos de A Ramallosa, Nigrán e Praia América que paradóxicamente quedaran sen cobertura pese a ter fibra en toda a súa contorna.
Así, segundo esta resolución da primeira convocatoria (2021) do Programa de Universalización de Infraestruturas Dixitais para a Cohesión ÚNICO-Banda Ancha, Nigrán será un dos municipios máis beneficiados da provincia, moi por diante de Baiona ou Gondomar, con dez respectivamente. Así o confirmou o propio delegado do Goberno en Galicia, José Manuel Miñones, na súa visita ao consistorio a semana pasada.
“Seguimos pelexando por cada barrio, cada rúa e incluso nalgúns casos por vivendas ailladas inxustamente para que a cobertura acade o 100% canto antes”, sinala o alcalde, Juan González. “Sabemos que van máis lento do previsto pero pedimos paciencia e saber interpretar as cousas con perspectiva: no ano 2019 apenas había fibra no centro de Nigrán e zonas máis ailladas e actualmente todas as parroquias teñen barrios con fibra, independientemente de se son do interior ou da costa, e neste 2022 quedará cuberto case o 100% do municipio”, indica o edil Diego García, encargado da negociación coas operadoras e quen incide xunto ao alcalde en que “o Concello asumirá o desplegue alí donde non cheguen as operadoras”. “Conseguimos grandes avances nos últimos meses e seguimos traballando para que as operadoras aceleren o seu traballo, e actualmente R está realizando traballos de instalación de fibra nas parroquias de Priegue, Panxón, Nigrán, Camos e Parada”, finaliza o alcalde.
Dende o Concello seguimos solicitando a Telefónica o desbloqueo da instalación de fibra en 11 núcleos de Parada e San Pedro por causa dunha arqueta afectando 200 vivendas que podería ter fibra de xeito inmediato.