10.9 C
Pontevedra
Luns, 6 de Decembro de 2021
Máis
    HomeVal MiñorNigránMarta Fernández-Tapias supervisa o remate das obras do tramo de concentración de...

    Marta Fernández-Tapias supervisa o remate das obras do tramo de concentración de accidentes na PO-552 ao seu paso por Nigrán

    A delegada territorial da Xunta destaca a gran inversión do Executivo galego en infraestruturas para mellorar a mobilidade e a seguridade viaria na comarca

    A delegada Territorial da Xunta en Vigo, Marta Fernández-Tapias, xunto ao alcalde de Nigrán, achegouse hoxe ata a PO-552  para supervisar o remate dos traballos para eliminar os treitos de concentración de accidentes en 3 quilómetros desta estrada ao seu paso pola citada localidade.

    Unha actuación que, tal e como detallou supuxo a mellora de catro interseccións, a construción dunha glorieta e a instalación de balizas. En conxunto, dixo, investíronse 400.000 euros co obxectivo de reforzar a seguridade viaria na vía autonómica ao seu paso por Nigrán, entre as rotondas de acceso á autoestrada e Sabarís.

    Segundo concretou Fernández-Tapias, o proxecto consistiu na instalación dunha semiglorieta na contorna do acceso á autoestrada en Nigrán, así como unha nova rotonda na intersección da rúa  Rans coa  PO-552. Tamén se mellorou o acceso ao  Camiño  Carballal cun carril central e unha semiglorieta e se reordenaron as entradas ás rúas  Cruceiro e Sarmiento con outro carril de espera no centro da calzada. Así mesmo, deseñouse  un cambio de sentido no acceso á rúa Manuel González Prado, en Cotros, e outra rotonda na rúa Valle-Inclán, así como melloras no cruce coa rúa Romana, na Ramallosa.

    A intervención, tal e como remarcou Fernández-Tapias, incluíu a construción de novos tramos de beirarrúas complementarios a estas melloras e a sinalización de pasos de peóns para mellorar a súa visibilidade, así como balizas para impedir aparcadoiros indebidos en varios accesos da marxe esquerda da Avenida Foz do Miñor, xa en Baiona.

    A este respecto, a delegada puxo o acento no importante esforzo inversor que o Goberno galego está a facer en infraestruturas para mellorar a mobilidade e a seguridade viaria na comarca, tales como a eliminación de tramos de concentración de accidentes ou os itinerarios incluídos no Plan de Sendas de Galicia.

    Así referiuse a outros puntos de actuación nesta mesma estrada, como o son os TCA da PO-552 ao seu paso por Vigo e entre Saiáns e Priegue.

    E ao fío das melloras en materia de mobilidade, a delegada quixo recordar que AG-57, que une Vigo e Baiona, continúa a ser das autoestradas máis baratas de España ao manter estable o seu prezo no caso dos vehículos lixeiros, agás no treito A Ramallosa-Baiona, que baixou 5 céntimos. No caso dos vehículos pesados de tipo 1, baixaron 5 céntimos as peaxes dos treitos Vigo-A Ramallosa e Vigo-Baiona. E para os vehículos pesados de tipo 2, aplicáronse rebaixas de 5 céntimos en 7 dos 11 centros da autoestrada. Neste 2021, a Xunta segue a aplicar o réxime de bonificacións de peaxe que se vén aplicando tanto para usuarios frecuentes, que realizan a viaxe de ida e volta no mesmo día, como para os que realizan as viaxes en horario nocturno. E como novidade, este ano comezarán a aplicase bonificacións para as familias numerosas.

    COLABORACIÓNS

    Diego Ameixeiras, «O cervo e a sombra»

    Diego Ameixeiras tennos afeitos a un tipo de escrita moi persoal e honesta, pero sempre intensa e emocionalmente arroutada. O seu novo traballo non fai máis que afondar nesta percepción e faino a través dese mundo que habita nos arrabaldes da sociedade, un escenario xa recorrente na súa narrativa.

    Treinta otoños tiene mi amor

    Último domingo del mes y cada vez más cerca de la Navidad, aunque en Vigo ya la tenemos muy presente desde hace una semana gracias a las más de diez millones de luces led que iluminan la ciudad.

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    7 POSTS0 COMMENTS
    Manrique Fernández
    50 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS