28.4 C
Pontevedra
Luns, 22 de Xullo de 2024
Máis
    HomeVal MiñorNigránConcerto de Roberto Comesaña e Leni Pérez no esteiro da Foz

    Concerto de Roberto Comesaña e Leni Pérez no esteiro da Foz

    O Concello de Nigrán, dentro da súa programación de verán, ofrece este luns 7 de Agosto ás 21:00 horas no escenario ao aire libre do esteiro de A Foz o concerto de Roberto Comesaña e Leni Pérez ‘De Ramo en Ramo’, título do seu primeiro disco conxunto. O reputado acordeonista de Priegue, gañador dun Grammy no 2016 con Cristina Pato, Ángel Pintos e Davide Salvado, une o seu talento ao da recompiladora, intérprete e folclorista Leni Pérez, moi coñecida pola súa intervención durante anos na TVG como especialista en folclore ou pola súa participación en grupos como Os Escaravellos ou Pelica de Can. Neste concerto, darán a coñecer ao público asistente un repertorio tradicional protagonizado pola voz, pandeiro e acordeón no que se porá en valor á figura de muller.

    ‘De ramo en ramo’

    “De ramo en ramo” ve a luz a finais do 2022 despois de ofrecer unha serie de concertos xuntos no ano 2020. Os asistentes poderán gozar dunha escolma de cantares de tradición oral, tanto portugueses coma galegos. Cantares de berce, nadal, xotas, muiñeiras, pasodobres… melodías e letras herdadas de mulleres que gardaron na súa memoria o legado da nosa tradición oral. No concerto achégase unha visión actualizada deses cantares, cunha proposta músical que parte do respecto pola tradición achegándoa aos nosos días

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.