13 C
Pontevedra
Martes, 19 de Marzo de 2024
Máis
    HomeVal MiñorNigránA Garda Civil ofrece á Policía Local de Nigrán e funcionarios municipais...

    A Garda Civil ofrece á Policía Local de Nigrán e funcionarios municipais un curso de desfibrilación e RCP

    A Policía Local de Nigrán e traballadores do Concello de Nigrán recibiron esta semana formación en primeiros auxilios da man de tres gardas civís da Comandancia de Pontevedra instructores nesta materia e de David Mosquera, médico da UCI do Hospital Álvaro Cunqueiro.

    A trintena de asistentes actualizou de xeito teórico-práctico todas as técnicas de resucitación cardiopulmonar (RCP) e de desfibrilación externa automática, con especial atención á reanimación pediátrica ou á correcta extracción do casco aos motorista accidentados. O curso, cunha duración de 10 horas e con certificado a nivel europeo, tivo lugar este mércores e xoves no Auditorio Municipal de Nigrán previa solicitude do Concello á Guardia Civil (coa que colabora o Hospital Álvaro Cunqueiro).

    Nigrán é un dos municipios de España máis cardioprotexidos tras dotar o Concello no 2018 de desfibriladores a todos os centros educativos, espazos deportivos, casa consitorial e patrullas da Policía Local. “O obxectivo deste curso e de todos os anteriores que levamos feito é que, en caso de parada cardiaca, o noso persoal poida actuar incluso antes de que cheguen as urxencias sanitarias e garantir así a vida da persoa e, se é necesario, restablecer o ritmo cardíaco a través dunha descarga eléctrica ao dispor nos de desfibriladores externos”, considera o alcalde, Juan González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.