13.9 C
Pontevedra
Sábado, 22 de Xuño de 2024
Máis
    HomeVal MiñorGondomarTrasladada a urxencias unha veciña de Gondomar polas lesións provocadas por unha...

    Trasladada a urxencias unha veciña de Gondomar polas lesións provocadas por unha tarteira incendiada

    Unha muller, veciña de Gondomar, precisou de asistencia médica debido ás lesións provocadas por incendio orixinado nunha tarteira esquecida no lume. Ademais das lapas, a estancia da casa encheuse de fume que chegou mesmo a estenderse á vivenda lindeira.

    A veciñanza, alarmada pola intensa fumareda, chamou ao 112 Galicia e pediron axuda urxente para a ocupante da vivenda afectada xa que, sinalaban, sufrira algunhas queimaduras cando trataba de apagar o lume. O persoal do 112 Galicia avisou aos profesionais de Urxencias Sanitarias de Galicia-061, que trasladaron á ferida ao Hospital Povisa.

    Simultaneamente, na vivenda actuaron os Bombeiros do Porriño co fin de ventilar ambos os dous apartamentos e asegurarse de que a tarteira estaba complentamente apagada. Unha vez realizadas as medicións correspondentes e comprobar as boas condicións da atmosfera no interior dos domicilios, deron por finalizada a súa intervención.

    Cómpre sinalar que neste operativo, que se activou preto das sete da tarde de onte, tamén colaboraron os axentes da Policía Local e os membros do GES do Val Miñor.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.