13.7 C
Pontevedra
Sábado, 18 de Maio de 2024
Máis
    HomeVal MiñorBaionaO Mercado de Sabarís retoma as exposicións co fin de dinamizar Sabarís

    O Mercado de Sabarís retoma as exposicións co fin de dinamizar Sabarís

    Uns meses despois da súa inauguración, e tras acoller actividade cultural durante todo o verán ao abeiro da programación “Baiverán”, organizada pola Concellería de Cultura do Concello de Baiona, o Mercado de Sabarís retoma as exposicións coa mostra colectiva do Grupo Galeoska.

    As persoas interesadas poderán visitar a exposición de pintura, fotografía e escultura “ Do pensamento grupal á creación individual” ata o 15 deste mesmo mes, en horario de luns a venres de 17:00- 20:00 h e os sábados e domingos de 11:00-14:00 h e de 16:00-20:00 h.

    As seguintes exposicións que ocuparán o espazo serán a de María Xosé Bravo, con técnicas mixtas, oleo, acrílico e acuarela e a de Francisco Javier Sola, con fotografías de viaxes e retratos. Poderase gozar destas mostras do 16 ao 30 de outubro en horario de luns aberto 18:30-20:00 h e os sábados e domingos de 11:30-13:30 h e de 18:00-20:00 h.

    O Concello de Baiona organiza este outono actividades culturais en diversos espazos públicos co obxectivo de dinamizar a vida da localidade, contribuír á reactivación económica.

    O alcalde explicou que “queremos que Baiona siga tendo a actividade cultural que nos caracteriza máis aló do verán, pero, á vez, fixemos un importante esforzo por adaptar cada unha delas ás circunstancias actuais e que sexan completamente seguras”. Neste sentido, comentou que “se apostou por organizar eventos que se celebrarán en distintos puntos da localidade–Multiusos-Mercado de Sabarís, Auditorio V Centenerio…- e en cada un cumpriranse estritamente todos os protocolos actuais”.

    En referencia á programación en sí, Gómez Prado explica que “como sempre, buscamos que o noso aceno de identidade sexa a variedade, de modo que podamos ofrecer un calendario de eventos atractivos a calquera persoa, con independencia da súa idade, os seus gustos ”.

    As actividades son organizadas pola Concellería de Cultura do Concello de Baiona, dirixido por Miriam Costas Iriarte.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.