16.6 C
Pontevedra
Mércores, 28 de Setembro de 2022
Máis
    HomeVal MiñorBaionaO mercadillo de Sabarís reinicia a súa actividade o luns 11, de...

    O mercadillo de Sabarís reinicia a súa actividade o luns 11, de xeito parcial e só con postos do sector agroalimentario

    O Goberno local opta por unha apertura gradual deste mercadiño que terá que adaptarse ás medidas de seguridade e distanciamento entre postos establecida no ‘Plan para la transición hacia una Nueva Normalidad’

    O vindeiro luns, 11 de maio, o mercado de Sabarís reiniciará a súa actividade, suspendida dende a declaración do estado de alarma no pasado mes de marzo. A reapertura programada polo Goberno de Baiona, realizarase de ‘xeito escalonado’ para poder ir adaptando esta cita semanal dos luns “a esa nova normalidade que nos toca vivir e que, en moitos aspectos, marcará un antes e un despois da crise da COVID-19”, explica o alcalde, Carlos Gómez.

    Este primeiro mercadiño trala súa reapertura, estará cinguido exclusivamente ao sector agroalimentario e, en total, se instalarán 20 postos. Non será a única novidade xa que tamén terá un pequeno cambio na súa ubicación, pasando a ocupar o treito da rúa Julián Valverde comprendido entre o cruce coa avenida José Pereira Troncoso e a praza de Vitoria Cadaval.

    Cómpre salientar que o Plan para la transición hacia unha Nueva Normalidad sinala que os Concellos, para retomar a actividade dos mercados ao aire libre, deberán garantir “as condicións de distanciamento entre postos” e ademais especifica claramente que ditos mercadillos “deberán estar delimitados para o correcto control do aforo por parte das forzas de seguridade”.

    O alcalde de Baiona explica, ademais, que os diferentes postos deberán garantir as medidas de seguridade da sua clientela “poñendo a disposición da mesma luvas e xel hidroalcohólico, dado que estamos a falar de postos agroalimentarios nos que se deben extremar as medidas hixiénicas”. O rexedor local fixo un chamamento “á responsabilidade dos veciños e veciñas” á hora de evitar aglomeracións e tentar manter, “en todo momento, as distancias de seguridade recomendadas nas disposicións do Goberno de España”.

    A progresiva ampliación do mercadiño darase a coñecer aos interesados e interesadas coa suficiente antelación quedando, en todo caso, supeditada á situación sanitaria do momento é ás normas ditadas polas administracións competentes.

    Estamos “nunha fase moi delicada na que a responsabilidade de todos e cada un dos veciños e veciñas, é fundamental para que poidamos ir saíndo pouco a pouco desta crise”, conclúe o alcalde de Baiona

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS