13.5 C
Pontevedra
Martes, 16 de Abril de 2024
Máis
    HomeVal MiñorBaionaO Concello de Baiona finaliza as obras de mellora do camiño Fonteloureira...

    O Concello de Baiona finaliza as obras de mellora do camiño Fonteloureira en Belesar

    O Concello de Baiona vén de dar por finalizados os traballos de mellora do camiño de Fonteloureira, en Belesar, obras que foron visitadas polo alcalde de Baiona, Carlos Gómez, acompañado polo concelleiro de Vías e Obras, Óscar Martínez.

    Desde a Concellería de Vías e Obras, Óscar Martínez, sinala que con este proxecto de mellora do vial “levouse a cabo a renovación do firme coa aplicación dunha nova capa de rodadura e o arranxo da base nas zonas máis danadas. Tamén se procedeu á mellora da drenaxe mediante a realización dunha cuneta de formigón que recollerá e canalizará as pluviais. Así mesmo, procedeuse á limpeza das marxes do camiño”.

    A obra, realizada por Construcciones Fechi, supuxo un investimento de 34.970,88 euros e foi financiada polo Concello de Baiona e a Axencia Galega de Desenvolvemento Rural (AGADER).

    Pola súa banda, o alcalde, Carlos Gómez, sinalou que con esta obra “favorecemos a conexión existente entre o barrio de Estivada co barrio do Urgal, conseguindo unha mellora na seguridade e comodidade de todas as veciñas e veciños. Esta obra súmase a unha de tantas que o noso goberno está a realizar nas parroquias, co fin de mellorar as condicións das mesmas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.