11.6 C
Pontevedra
Martes, 19 de Marzo de 2024
Máis
    HomeVal MiñorBaionaO Circuito de Teatro Amador chega a Baiona esta fin de semana

    O Circuito de Teatro Amador chega a Baiona esta fin de semana

    Baiona poderá gozar durante esta fin de semana de varias funcións teatrais da man do Circuito Gallego de Teatro Amador. Esta actividade está enmarcada dentro do BaiOutono, programación realizada pola Concellería de Cultura.

    Hoxe ás 20:00 horas no Auditorio V Centenario a compañía Atrezo Fontevella ofrecerá o seu espectáculo Balneario a Condesiña. Esta obra conta os amores, desamores, acordos e desacordos dun grupo de persoas que se achegan ata o Balneario A Condesiña para pasar unhas inesperadas vacacións. A función está recomendada para todos os públicos. O sábado 24 á mesma hora e tamén no Auditorio V Centenario poderase gozar coa peza teatral Facendo as Partixas a cargo de Axóuxere Teatro. Unha obra de recordos, encontros e desencontros. Nela, dous irmáns atópanse despois de 20 anos para repartir a herdanza familiar.

    E o domingo haberá sesión dobre. En primeiro lugar a praza do concello acollerá ás 12:00 horas a Andaravía Teatro coa súa Brincacontos. Por último, Ou Trasno Novo teatro pechará a tarde do domingo ás 20:00 horas coa súa obra En venda no Auditorio V Centenario.

    O Circuito Gallego de Teatro Amador da FEGATEA (Federación Galega de Teatro Afeccionado) consiste nunha programación de catro funciones teatrais por sede repartidas por toda Galicia, onde os grupos actuarán fóra do seu círculo xeográfico. Desta forma o circuíto promove a mobilidade xeográfica dos grupos de teatro.

    FEGATEA e Lohengrín teatro organizan o circuíto coa colaboración da Concellería de Cultura do Concello de Baiona.

    Desde o Concello de Baiona mándase unha mensaxe de tranquilidade á cidadanía xa que se van a poñer as medidas de seguridade e preventivas necesarias, cumprindo a normativa marcada pola Consellería de Sanidade da Xunta de Galicia. O obxectivo xeral é reducir ao máximo o risco de contaxio e transmisión da pandemia á vez que se goza da oferta cultural.

    O obxectivo é proporcionar actividades de lecer aos veciños e veciñas e visitantes nunha contorna segura e, para iso, o acceso e o aforo estará controlado e tomaranse todas as medidas de seguridade pertinentes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.