14.6 C
Pontevedra
Domingo, 25 de Febreiro de 2024
Máis
    HomeVal MiñorBaiona“Emprégate desde a Igualdade” entra na segunda fase e aposta pola inserción...

    “Emprégate desde a Igualdade” entra na segunda fase e aposta pola inserción socio-laboral de 16 mulleres desempregadas

    A Concellería de Igualdade do Concello de Baiona, a través do Centro de Información á Muller,  puxo en marcha no mes de novembro o programa “Emprégate desde a Igualdade” para mellorar a inserción socio laboral das mulleres. Esta iniciativa, promovida de forma conxunta co Instituto das Mulleres e para a Igualdade de Oportunidades, busca incrementar a empleabilidad das mulleres mellorando as súas expectativas e a súa calidade de vida.

    Dirixido a 16 mulleres desempregadas, o programa desenvólvese de forma presencial en dous grupos a través dun itinerario integrado e personalizado, con accións de apoio e acompañamento ao proceso de inserción laboral. Co fin manter as medidas de prevención ante a COVID19 e atendendo ás necesidades de conciliación familiar e persoal das participantes, establecéronse que os dous grupos asisten de luns a venres en horario de 09.00 hs a 13.00 hs. .

    Mediante o traballo grupal participativo e tutorías individuais, o programa consta de varias fases, unha inicial onde se fomenta a autoestima e confianza das participantes para que se convertan en protagonistas do seu propio proceso de inserción, xunto a unha segunda ao redor de información e asesoramento para definir o perfil profesional, expectativas e oportunidades. O programa, que se desenvolve a través dun itinerario integrado de inserción, atópase neste momento nesta segunda fase de execución onde se orienta ás participantes para definir o seu perfil profesional.

    A mediados de abril dará comezo a acción formativa “Actividades Auxiliares de Comercio” cun total de 210 horas e que, co fin de promover un achegamento práctico ao mercado laboral, inclúe prácticas no comercio e empresas da zona.

    De forma simultánea, as participantes no programa, realizan outras accións formativas que lle permiten mellorar a súa empregabilidade e estar máis preparadas para afrontar o mercado de traballo. O programa ten unha duración de 8 meses.

    A Concelleira de Igualdade do Concello de Baiona, Yasmina Moreira Costas, destaca:

    “É fundamental mellorar a empregabilidade das mulleres, neste escenario de pandemia, cansanzo e falta de oportunidades laborais, o desenvolvemento deste programa axuda a tecer redes entre as mulleres de Baiona, mellorando a súa autoestima, formándose en diversidade de campos e ofrecéndolles unha oportunidade na iserción laboral do municipio”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.