14.7 C
Pontevedra
Mércores, 12 de Maio de 2021
Máis
    HomeVal MiñorBaionaBaiona destina 40.000 euros a Servizos Sociais, máis dun 222 % do...

    Baiona destina 40.000 euros a Servizos Sociais, máis dun 222 % do que destinaban os anteriores gobernos conservadores

    Carlos Gómez: “Servizos Sociais significa, para este Goberno, dereitos e dignidade, nunca beneficencia”

    Os orzamentos do Concello de Baiona, que previsiblemente serán levados a aprobación plenaria no mes de agosto, incluirán unha partida de 40.000 euros para os servizos sociais municipais, –máis dun 222 % dos 18.000 euros que habitualmente destinaban os anteriores gobernos conservadores– ao considerar o executivo que preside Carlos Gómez que unha das primeiras obrigas dunha administración local “é velar polo benestar da cidadanía en xeral pero, principalmente, daquelas veciñas e veciños que menos recursos posúen ou que mesmo atópanse en risco de exclusión social”.

    O alcalde de Baiona, Carlos Gómez, aclara que esta partida orzamentaria “podería ampliarse ata os 60.000 euros segundo evolucione a crise da COVID-19”. Das necesidades da poboación en materia de servizos sociais durante a pandemia, engade o alcalde de Baiona, “falan ben ás claras os números: a estas alturas entre o Servizo de Atención Familiar, educación e Emerxencia Social, estamos preto dun 400 % por enriba da demanda do ano pasado a estas alturas”.

    A previsión xa contemplada de ampliar a partida orzamentaria para estes fins ata os anteditos 60.000 euros –máis dun 333 % do adicado polo anterior Goberno do PP– vai ser precisa “para afrontar unha realidade que vai estar maquillada pola época estival na que entramos, pero que a comezaremos a sentir, previsiblemente, a partir do mes de outubro”.

    Carlos Gómez subliñou que “Baiona conta agora cun Goberno ao que lle preocupa, e moito, a situación con frecuencia crítica pola que atravesan moitas veciñas e veciños” e afirmou con rotundidade que “servizos sociais significan dereitos e dignidade e nunca beneficencia”.

    O agora alcalde de Baiona lembraba que no anterior mandato, sendo alcalde o actual portavoz do PP, Ángel Rodal, “este xactábase de non gastar os 18.000 euros que adicaban a Servizos Sociais”. “No 2016, coa ONG ‘Ayuda al Tercer Mundo’ asistindo a 123 familias de Baiona, que un goberno municipal xáctese de non gastar os 18.000 euros da partida de servizos sociais ten difícil explicación, a non ser a dunha pésima xestión dun departamento que ten a responsabilidade de velar por aqueles a aquelas que menos recursos posúen”, engade Carlos Gómez.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS