11.5 C
Pontevedra
Venres, 9 de Decembro de 2022
Máis
    HomeVal MiñorBaiona25 aniversario do irmandamento de Baiona con Pornic pola igualdade

    25 aniversario do irmandamento de Baiona con Pornic pola igualdade

    A concelleira de Igualdade do Concello de Baiona, Yasmina Moreira Costas, xunto coa directora do Centro de Información á Muller de Baiona, Elena Otero Rodríguez, trasladáronse ata o municipio irmán de Pornic para manter varias reunións de traballo coas súas homólogas francesas co fin de promover o intercambio de experiencias no ámbito da igualdade entre ambos os conistorios irmáns, todo iso enmarcado nos  actos do “25 aniversario Irmandamento de Baiona con Pornic”.

    Moreira Costas y Otero Rodríguez o primeiro dos días reuníronse con Marie-Paul Marié e Florence Gendrot, concelleiras francesas, xunto coa presidenta  da  asociación do irmandamento “Jumelage”, Marie-Agnès Morice.

    Na reunión falouse sobre a estrutura administrativa de cada país e como actúan tódolos axentes implicados na loita contra a violencia de xénero e a protección dos dereitos da muller e da infancia. A delegación baionesa de igualadade levou tamén mostras do traballo feito na área de Igualdade, afondando no traballo mais recente (programas de activación laboral de mulleres, puntos de información violeta, programación do Novembro Lila e Primavera Lila, etc.). Tratóuse dunha reunión moi interesante onde puideron reflexionar sobre como traballan no país veciño e unha oportunidade moi valiosa para tecer lazos e traballar en proxectos comúns no futuro.

    Ademais, na reunión de traballo tamén participaron Irene Silva, artista baionesa, e Fabbienne Alliou Lucas e Brigitte Darras dit «Bivan», artistas francesas que van a implicarse no proxecto co seu traballo, así como outras persoas representantes asociación do “Jumelage”.

    Na segunda xornada de traballo, afondáronse aspectos técnicos da exposición do Novembro Lila (programa de actividades entorno a data do Día Internacional contra a Violencia Machista, que se conmemora o 25 de novembro, e que está organizado pola Concellería de Igualdade e o Centro de Información á Muller) na que este ano a Concellería de Igualadade do Concello de Baiona vai aproveitar o aniversario co irmandamento con Pornic, para abrir o círculo e integrar a mirada de artistas francesas, as cales farán parte da programación, non só expoñendo as súas pezas, senón que tamén dirixirán obradoiros para o alumnado de diversos centros educativos de Baiona.

    Asimesmo, falouse tamén sobre varias ideas a levar a cabo en conxunto, poñendo o foco na xuventude e nas novas ameazas as que se afrontan. Foi unha xuntanza moi ilusionante que asentou as bases para construír futuros proxectos a nivel europeo que se irán conformando nos vindeiros meses. Esta exposición é o primeiro e modesto paso dun traballo no marco do irmandamento que acaba de comezar.

    Este memo día, pola tarde, a delegación baionesa de igualadade visitou  o taller de AnneMalgogne Dumesnil «Amadu» , que creou oito pezas exclusivamente para unha exposición que formará parte do Novembro Lila.

    Tamén asistiron  a exposición de Fabienne na Maison du Chapitre, unha mostra recollía imaxes de mais de corenta granxas de Pornic e das persoas que as rexentan.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS