15.5 C
Pontevedra
Sábado, 22 de Xuño de 2024
Máis
    HomeO CondadoSalvaterra de MiñoAmplo programa de actividades para a 'LX Festa do Viño do Condado...

    Amplo programa de actividades para a ‘LX Festa do Viño do Condado do Tea’ de Salvaterra

    O Concello de Salvaterra vén de dar a coñecer o amplo programa de actividades que desenvolverá, entre os días 23 e 25 de agosto, con motivo da celebración da ‘Festa do Viño do Condado do Tea’ que con esta acada xa a súa sesaxésima edición. No programa, o viño que é o auténtico protagonista, está perfectamente complementado coa boa música e gastronomía.

    A Festa do Viño terá os seus primeiros actos cos tradicionais Cursos/Cata, todos eles ás 20 horas, que se desenvolverán o luns 19, martes 20 e mércores 21 de agosto. Cada unha das catas comentadas terá un prezo de 10 € e é precisa inscrición previa ou no teléfono 986 658 126 ou no enderezo de correo electrónico animacion@concellodesalvaterra.com.

    O viño

    O viño ten, como non podería ser doutro xeito, un protagonismo especial tendo en conta que é unha festa dedicada aos nosos caldos. Así, as catas comentadas estarán dirixidas a zonas específicas. A do luns 19 estará centrada nos viños brancos da D.O. Rías Baixas; o martes 20, os protagonistas serán os viños brancos das D.O. Galegas como son os de Monterrei, Rías Baixas, Ribeira Sacra, Ribeiro e Valdeorras. Finalmente, o mércores 21, a cata comentada estará dirixida, específicamente aos viños brancos e tintos da Subzona Condado do Tea-D.O. Rías Baixas.

    O venres, 23 de agosto ás 20 horas, terá lugar o acto oficial de inauguración da sesaxésima edición da Festa do Viño do Condado do Tea.

    O sábado 24 de agosto, xa dentro da Festa do Viño propiamente dita, ás 10 horas, terá lugar a Cata ‘Á procura dos Viños Deliciosos do ano’.

    O domingo 25 de agosto, día grande da Festa do Viño do Condado do Tea, ás 11 horas terá lugar o tradicional acto de recepción das Confrarías e autoridades na Praza da Constitución –Praza do Concello– de Salvaterra de Miño e posterior desfile ata o recinto amurallado.

    Ántes do desfile, ao redor das 11:15 horas e no Salón de Plenos do Concello de Salvaterra, terá lugar o nomeamento de Novos Confrades da Confraría do Viño do Condado do Tea e Espumosos e, a continuación, o acto de declaración dos Viños Deliciosos do ano.

    Ás 12:30 horas, xa no recinto amurallado, terá lugar a lectura do Pregón da Festa que, neste ano, correrá a cargo de José Manuel Orriols, xornalista experto na gastronomía galega.

    A música

    A música ten un destacado papel no programa da Festa do Viño do Condado do Tea elaborado polo concello de Salvaterra comezando xa polo mesmo venres 23 de agosto xa que a inauguración da Festa contará coa participación da Banda de Gaitas Pontenova e a charanda Va K Pinta.

    Ás 23 horas, terá lugar o primeiro dos concertos programados para esta festa e correrá a cargo de Lys Pardo e La Supersonic.

    O sábado 24 de agosto, xa pola mañá a música das charangas OT e Mil9 poñerán a animación ao recinto da festa. As 23 horas, será a hora dos concertos de Xosé Manuel Budiño e Monoulious D.O.P.

    O domingo, 25 de agosto, unha vez rematado o pregón de José Manuel Orriols, o recinto das festas contará coa música das charangas Mil9 e Doctor Anchoa. Finalmente, ás 19:30 horas, 2CON2 e 21 Gramos protagonizarán os dous últimos concertos cos que se pecha a sesaxéxima edición da Festa do Viño do Condado do Tea.

    As Noites Gastronómicas congregan, ano tras ano, a centos de persoas no recinto amurallado de Salvaterra

    A gastronomía

    A gastronomía tamén ten unha grande importancia na Festa do Viño do Condado do Tea. Así, xa dende o venres 23, ábrense as ‘Noites Gastronómicas’, unha iniciativa que hai anos comezou a modo de proba e que, anos despois, é inseparable da propia Festa do Viño.

    Centos de persoas danse cita, cada noite e na fermosura que é o recinto amurallado, para gozar de pratos da nosa gastronomía cos que acompañar aos bos viños. Postos de comida de polbo, marisco, embutidos, tapeo, churrasco, lamprea rechea e porco ao espeto poden ser gozados nun ambiente totalmente festivo que no pode ser expresado nunhas liñas. Así que, o mellor: achegarse a Salvaterra e vivir de cheo a Festa do Viño do Condado do Tea. Merece a pena.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.