19.3 C
Pontevedra
Venres, 17 de Setembro de 2021
Máis
    HomeO CondadoSalvaterra de MiñoA Xunta abrirá dúas novas aulas na escola infantil de Salvaterra de...

    A Xunta abrirá dúas novas aulas na escola infantil de Salvaterra de Miño no comenzo do curso 2021-2022

    O xerente do Consorcio Galego de Servizos de Igualdade e Benestar, Perfecto Rodríguez, e a alcaldesa do concello, Marta Valcárcel, visitaron onte as obras no centro

    A Xunta de Galicia porá a disposición das familias de Salvaterra de Miño e dos municipios da contorna dúas novas aulas na escola infantil para o inicio do vindeiro curso 2021-2022. O xerente do Consorcio Galego de Servizos de Igualdade e Benestar, Perfecto Rodríguez, acompañado da alcaldesa do concello, Marta Valcárcel, comprobou hoxe o avance dos traballos de ampliación deste centro, que pasará de catro unidades e 61 prazas a seis unidades e 82 prazas.

    Perfecto Rodríguez destacou que esta actuación “vén cubrir unha necesidade que existía no concello, xa que permitirá atender a un maior número de nenos e, deste xeito, mellorar as posibilidades de conciliación das nais e pais”. De feito, coa entrada en servizo das novas aulas ofertaranse 21 prazas máis nunha escola que pechou o período ordinario de solicitude de matrícula con 55 nenas e nenos admitidos e 41 en lista de agarda.

    As obras, que se iniciaron a finais do ano pasado e que están practicamente rematadas, teñen un custe algo superior aos 200.000 euros. Desta contía, a Administración autonómica achega 161.000 euros, dos cales o 80% proceden do Fondo Europeo de Desenvolvemento Rexional (Feder), no marco do programa operativo Feder Galicia 2014-2020. O Concello de Salvaterra de Miño asume a cantidade restante, ademais dos custes derivados da redacción do proxecto e dirección de obra.

    Aulas, sala de usos múltiples e equipamento

    O proxecto de ampliación do centro supón a creación, nunha edificación anexa, de dúas aulas e dous aseos, así como o aumento das dimensións da sala de usos múltiples e a habilitación dunha zona para o aparcamento de carriños. Con esta intervención a superficie útil da escola increméntase en preto de 250 metros cadrados.

    Así mesmo, e coincidindo coa última fase destes traballos na escola, a Xunta ten nestes momentos en licitación o equipamento do mobiliario e material necesario para a entrada en funcionamento das novas unidades. O orzamento deste contrato ascende a case 50.000€, financiados nun 80% polo Feder, e as empresas teñen de prazo ata o martes da vindeira semana, día 8, para presentar as súas ofertas.

    O contrato inclúe dotar á escola do mobiliario e dos complementos necesarios para o desenvolvemento do servizo; así como o subministro de instrumentos musicais, artigos deportivos, xogos, materiais artísticos e accesorios. Tamén contempla o equipamento de aparatos electrodomésticos.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS