Tag: escola infantil

A Xunta de Galicia sufragará varias obras de mellora na Escola Infantil de Mos-Porteliña, pertencente á rede pública autonómica, que contan cun orzamento de 47.200 euros e que se desenvolverán durante o mes de agosto aproveitando o período de vacacións no centro.

Tomiño busca solucións naturais para problemas derivados das condicións meteorolóxicas e os seus efectos nos edificios da vila. É o caso das dúas escolas infantís Galiña Azul coas que conta o municipio; unha no Seixo (Tomiño centro) e outra en Goián (segunda parroquia máis habitada do concello), e que suman un centenar de prazas de 0 a 3 anos.

A Xunta de Galicia porá a disposición das familias de Salvaterra de Miño e dos municipios da contorna dúas novas aulas na escola infantil para o inicio do vindeiro curso 2021-2022. O xerente do Consorcio Galego de Servizos de Igualdade e Benestar, Perfecto Rodríguez, acompañado da alcaldesa do concello, Marta Valcárcel, comprobou hoxe o avance dos traballos de ampliación deste centro, que pasará de catro unidades e 61 prazas a seis unidades e 82 prazas.

O Pleno Ordinario da Cañiza levou na súa orde do día, no pleno desta pasada semana, entre outros asuntos, a modificación da Ordenanza Fiscal reguladora do Prezo Público polo Servizo da Escola Infantil Municipal de 0 a 3 anos, publicada no BOPDEPO 127 do 3 de xullo de 2012.

O delegado da Zona Franca de Vigo, David Regades, entregou as chaves dos locais do Consorcio no Polígono da Granxa á empresa Trastes, que abrirá unha escola infantil. Ao acto asistiu a alcaldesa de Porriño, Eva García de la Torre; o presidente da Entidade Urbanística de Conservación, Indalecio Cuevas, e o seu xerente, David Sobral; así como responsables da empresa, dirixida por Beatriz Cabaleiro.

Despois de moitos anos de loita a nova escola infantil da Guarda comeza a tomar forma. Deixa de ser un proxecto sobre o papel e empeza a transfórmase nunha realidade longamente desexada tanto polo Goberno local coma pola veciñanza que teñen claro, uns e outros, que asentar poboación nos concellos precisa de tres elementos fundamentais: ensino, sanidade e comunicacións. Sen eses tres elementos interrelacionados entre si, non hai posibilidade de futuro.

A Xunta de Galicia e o Concello de A Guarda anunciaron hoxe o inicio das obras da nova escola infantil deste municipio. O xerente do Consorcio Galego de Servizos de Igualdade e Benestar, Perfecto Rodríguez; acompañado do delegado territorial da Xunta en Pontevedra, Luis López Diéguez; e do alcalde do municipio, Antonio Lomba Baz, visitou hoxe o comezo desta actuación coa que se mellorarán as posibilidades de conciliación das familias da zona.

A vindeira semana inícianse as obras da nova Escola Infantil do concello da Guarda, que terá o seu emprazamento nas antigas vivendas de mestres e no comedor do antigo colexio Manuel Rodríguez Sinde. A nova escola contará con 41 prazas distribuídas en tres unidades. O proxecto contempla a conservación de parte da fachada do edificio actual, na planta baixa localizarase a escola infantil cun patio para goce exclusivo dos usuarios.

O Pleno da Corporación Municipal de Ponteareas apoiou por unanimidade este martes a iniciativa do BNG para instar ao Congreso á transferencia da titularidade da AP9 a Galicia e á rebaixa inmediata das peaxes. O concelleiro do BNG Miguel Bouzó sinalou que “a historia da AP-9 é a crónica dun saqueo legalizado e da discriminación con Galiza por parte dos diferentes gobernos do PP e do PSOE".

A parlamentaria socialista Paloma Castro presentou unha serie de iniciativas parlamentarias para reclamarlle á Xunta que tome a iniciativa para resolver as irregularidades nas obras realizadas na escola infantil actual cando o PP gobernaba Ponteareas. Castro reclamoulle á Xunta “respostas que pasen pola asunción das competencias que lle son propias, como a titularidade e xestión da escola infantil, ou a colaboración económica nas obras para adaptar á legalidade o proxecto de ampliación”.

O goberno municipal de Ponteareas informou das súas decisións en relación á polémica ampliación da Escola Infantil realizada no ano 2006 e que supuxo a posta en marcha de dúas aulas sen autorización da Xunta de Galicia. A concelleira de Benestar Social, Verónica Carrera, lembrou que “dende 2006 e durante 14 anos a Xunta tolerou o funcionamento desas dúas aulas con pleno coñecemento de que carecían da súa autorización”. Durante todos eses anos, continua a concelleira nacionalista, “a Xunta non abríu ningún expediente sancionador e so requiríu ao Concello a legalizar a ampliación.

O Goberno Municipal fixo públicos novos datos sobre a ampliación da Escola Infantil no ano 2006. As obras executadas baixo o goberno do alcalde González Solla no centro educativo realizáronse sen a autorización da Xunta ao non cumprir coa normativa vixente para estas instalacións.

O Concello de Ponteareas revelou hoxe novos datos sobre a actuación do goberno do popular González Solla e da Xunta en relación coas deficiencias da Escola Infantil. Segundo o executivo local no expediente da ampliación do centro figuran até 7 inspeccións e requirimentos realizados pola Xunta ao Goberno do PP presidido por Salvador González Solla entre 2006 e 2009 advertindo de innumerabeis deficiencias e da falta de autorización para a ampliación da escola con dúas aulas novas, obra que supuxo un investimento de 320.000 euros.

“A Escola Infantil para Chapela é un tema irrenunciable para este Goberno porque é un dereito que teñen as veciñas e veciños”, asegurou a alcaldesa de Redondela, Digna Rivas ao reforzar a aposta do executivo que preside coa instalación dunha escola infantil nesa parroquia redondelá. Dende hai ano e medio que o actual equipo de Goberno tomou posesión e pese as insistentes peticións da Alcaldía ante o Consorcio Galego de Servizos de Igualdade e Benestar “a día de hoxe non hai nin tan sequera contestación aos nosos requirimentos dunha xuntanza urxente para tratar este tema”, afirma a alcaldesa.

O xerente do Consorcio Galego de Servizos de Igualdade e Benestar, Perfecto Rodríguez, acompañado da delegada territorial da Xunta en Vigo, Marta Fernández-Tapias, e da alcaldesa de Salvaterra de Miño, Marta Valcárcel Gómez, participou no inicio das obras de ampliación da escola infantil a Galiña Azul da localidade.

O Pleno do Concello de Salceda de Caselas aprobou o xoves por unanimidade a solicitude de construción dunha segunda escola infantil de 0 a 3 anos no municipio, nos terreos que o Concello posúe ao lado do novo centro de saúde, na rúa Mártires de Sobredo.

O goberno de Ponteareas do BNG e do PSOE informa do remate das obras de rehabilitación enerxética da escola infantil municipal que tiveron un custe total de 104.342,01 €. Con esta iniciativa o goberno "reafírmase nos compromisos de acadar unha vila máis sustentábel, de mellorar os servizos ofrecidos á cidadanía e de traballar por e para a infancia".

A concellaría de Benestar Social, que dirixe Verónica Carrera, vén de dar conta da exposición pública da listaxe de nenos e nenas de admitidas na escola infantil municipal. Todas as familias poderán consultar o documento na nesta ligazón da páxina web do Concello.

A Concellería de Educación de As Neves agarda rematar este mes as obras de Escola de Educación Infantil de Taboexa, no que aumentou o número de alumnas e alumnos, na que xa fora instalada a nova calefacción –que leva semanas en funcionamento– e se habilitase a segunda aula, logo de realizar un investimento de 1.500 €.

Os traballos para que a nova Escola Infantil de As Neves sexa unha realidade seguen adiante, aínda que, segundo denuncia o Goberno local, "non coas garantías de seguridade necesarias e co ritmo para cumprir cos prazos comprometidos".

O alcalde da Guarda, Antonio Lomba e a concelleira de Servicios Sociais, Beatriz Lomba, mantiveron o martes 24 de setembro unha xuntanza nos Edificios de San Caetano coa conselleira de Política Social da Xunta de Galicia, Fabiola García, onde se lles trasladou o compromiso da Xunta para o financiamento da nova escola infantil da Guarda, para a cal a Administración autonómica achegará 410.000 € e o consistorio local os fondos restantes ata os 690.000 €.

A alcaldesa do Porriño, Eva García e directivos da Entidade Urbanística de Conservación do Polígono Industrial da Granxa anunciaron a intención de retomar o proxecto de dotar á zona industrial dunha escola infantil. Nun recente encontro acordouse elixir a parcela 256-C sobre a que, o pasado 4 de setembro, Zona Franca solicitou do Concello de Porriño que confirmase se había posibilidade de darlle ese uso.

O Alcalde da Guarda, Antonio Lomba, asistiu o xoves día 1 de agosto a unha reunión co xerente do Consorcio Galego de Igualdade e Benestar, Perfecto Rodríguez, para pechar de forma definitiva o proxecto de Escola Infantil Municipal, tanto dende o punto de vista técnico como económico. Na reunión estiveron presentes, tanto o arquitecto redactor do proxecto como o do Consorcio Galego de Igualdade e Benestar.

A alcaldesa de Salvaterra de Miño, Marta Valcárcel Gómez, vén de reunirse co xerente do Consorcio Galego de Sevizos de Igualdade e Benestar, Perfecto Rodríguez Muíños, para presentarlle o proxecto de máis de 200.000 € para a ampliación da Escola Infantil de Salvaterra. Un proxecto que contempla  unha ampliación...